O’zbekistondagi 15 ta avtostansiyalar “O‘zavtovokzal servis” boshqaruviga biriktiriladi. Bu haqda Vazirlar mahkamasi qarorida keltirilgan.
“O‘zavtovokzal servis” DUK “Toshkent viloyati avtovokzallari va yo‘lovchilar avtostansiyalari bosh ishlab chiqarish korxonasi” DUKni qayta nomlagan holda tashkil etildi.
Servis Toshkent, Buxoro, Qashqadaryo va Sirdaryo viloyatlaridagi 15 ta davlat avtovokzal va avtostansiyalarini boshqaradi.
O‘zbekiston avtomobil transporti agentligi korxonaning muassisi bo‘ldi.
Shuningdek, “O‘zavtovokzal servis” DUKga Qoraqalpog‘iston va boshqa viloyatlarda filiallar tashkil etish huquqi berildi.
