Toshkentda InnoWeek innovatsion ko‘rgazmasi doirasida Spark elektromobili prototipining ikkita versiyasi namoyish qilindi, deb xabar beradi “Spot” muxbiri.
Birinchisi Toshkent shahridagi Turin politexnika universitetining Innovatsiya markazida Olcha.uz kompaniyasi bilan hamkorlikda ishlab chiqilgan. Elektromobil mahsulotlarni kompaniyalarga yetkazib berish xizmati uchun ekologik toza transport vositasining birinchi ekspremental modelidir.
Dinora Ziyayeva / Spot
Avtomobil HHO vodorod tizimi, uch fazali HPEVS AC-50, 50kVt, 96 V motoriga ega. 30 dona CALB CA100, 100 A*s, 9.6 kVt*s batareyasi bor. Maksimal tezligi — 150 km/s. Quvvat zaxirasi — 80−100 km. Quvvatlash muddati — 4 soat (220 V), 1 soat (tezkor quvvatlanish).
Shuningdek, ko’rgazmada HHO vodorod tizimi mavjud gidroliz qurilmalari orqali amalga oshiriladigan avtomobil taqdim etildi. Harakatlanish vaqtida toza havodan vodorod ajratadi, xususan, vodorod generatori vodorod va kislorodni ajratadi.
Ishlab chiquvchi mutaxassislarning aytishicha, elektr avtomobil loyihasiga taxminan 100 million so‘m sarflangan. Barcha sarf-xarajatlarni Olcha qoplagan.
Dinora Ziyayeva / Spot
Turin politexnika universiteti yoshlar bilan ishlash bo‘yicha prorektori Alisher Ashurov “Spot” muxbiriga ma’lum qilishicha, talabalar elektromobilni o‘z kuchlari bilan yaratishgan, 40% ehtiyot qismlar o‘zlari tomonidan yig‘ilgan, yana 60%ini (mamlakatimizda ishlab chiqarilmaydiganlarini) xorijdan sotib olishgan.
“U [elektr avtomobil] to’liq ishlaydi. Tayyor va yurmoqda. Hozirda u test rejimida, kelgusida O’zbekistonda ishlab chiqariladigan boshqa markadagi avtomobillarni sinovdan o’tkazish rejalashtirilmoqda”, — dedi Ashurov.
Ikkinchi prototip Urganch Davlat universitetida St-Energy kompaniyasi ishtirokida ishlab chiqilgan.
Ishlab chiquvchilar bu fikrni 2013 yilda kelganini qayd etishdi. 2016 yilda ular gibridlarning birinchi versiyasini ishlab chiqish va ishlab chiqarishni boshlaganlar va shu yilning avgust oyida 100% elektr avtomobil tayyor bo’lgan.
Dinora Ziyayeva / Spot
Dvigatel kuchi 15 kVt, gel batareyasi 100A, mashina zaryadlash vaqti — 4−5 soat. Umumiy kuchlanish 14 kt kuchga ega 130 V ni tashkil qiladi. Elektr avtomobilining tezligi 90−100 km / soat. Haydash masofasi — 100 km gacha. Batareyalarni zaryad qilish uchun elektr quvvati — 10−15 kVt / s.
Har ikkala elektromobil harakatlanmoqda, Urganchdan prototip, shu jumladan, quyosh batareyalari bilan ishlamoqda.
