“Toyota Tsusho Corporation” O‘zbekistonning magistral ma’lumotlar tarmog‘ini kengaytirish uchun tender g‘olibi bo‘ldi. Shuningdek, Yaponiya kompaniyasi IMS (IP Multimedia Subsystem) texnologiyasi bo‘yicha kommutatsiya markazlarini yangilash uchun tenderda ham g‘olib bo‘ldi.
Idoralararo tender komissiyasi tomonidan ikkita investitsiya loyiha bo‘yicha dunyodagi yetakchi telekommunikatsiya uskunalari ishlab chiqaruvchilar o‘rtasida tender o‘tkazildi:
- DWDM texnologiyasidan foydalangan holda magistral tarmog‘i va raqamli radioreley qurilmalari bo‘yicha “magistral va multiservis uzatish tarmog‘ini kengaytirish”;
- “IMS (IP Multimedia Subsystem) texnologiyasi bo‘yicha kommutatsiya markazi modernizatsiyasi”.
Yaponiya kompaniyasi “Toyota Tsusho Corporation” ikkalasida ham g‘olib bo‘ldi. Birinchi loyiha bo‘yicha “O‘zbektelekom” kompaniyasi DWDM texnologiyasi borasida shartnoma imzoladi, biroq raqamli radioreley uskunalari qismi bunga kirmaydi.
Shu munosabat bilan, hozirda “O‘zbektelekom” aksiyadorlik kompaniyasi tomonidan loyihaning texnik-iqtisodiy asosini tasdiqlashdan avval tuzilgan shartnomalar bo‘yicha avanslarni to‘lashni, shuningdek, ikkinchi tenderda shartnoma tuzishni istisno qilish taklif qilinadi.
