“O'zbektelekom” Internet tarmog’ining 10 marotaba kengaytirilishini e’lon qildi. Bu haqda 30 noyabr kuni Toshkentda Axborot texnologiyalari va kommunikatsiyalarini rivojlantirish vazirligining konferensiyasida ma’lum qilindi deya xabar beradi Spot muxbiri.
Kompaniya 2018 yil boshidan buyon Xalqaro paketli kommutatsiya markazining (XPKM) quvvati 100 Gbit / s dan 1200 Gbit / s gacha oshirganini ma’lum qildi.
Ta’kidlanishicha, bu tarmoq keng ko’lamda modernizatsiya qilinishi va yangi texnik jihozlar o’rnatilishi natijasida yuzaga kelgan.
Bundan tashqari, operatorlar uchun narx uch barobar kamayganligi va bugungi kunda 1 Mbit / s uchun 85 ming so’mni tashkil etishi ma’lum qilindi.
“O'zbektelekom” AK Xalqaro paketli kommutatsiya markazi 2005 yilda tashkil etilgan. Internet-provayderlarni Internetga joylashtirish vazifasini amalga oshiradi. 2011 yilda XPKM apparatining quvvati 2,5 Gbit / s dan 10 Gbit / s gacha va 2012 yilda 10 Gbit / s dan 40 Gbit / s gacha kengaytirilgan.
