O’zbekistonda ishsizlik darajasi 2018 yilda 9,3% ni tashkil etdi. Bu haqda Spotga Bandlik va mehnat munosabatlari vazirligi matbuot xizmati xabar berdi.
Xabarga ko’ra, eng yuqori ishsizlik darajasi Qashqadaryo, Samarqand, Sirdaryo va Farg’ona viloyatlarida qayd etildi va 9,7% ni, eng pasti Toshkentda (7,9%) qayd etildi. Bandlik bilan ta’minlanishga muhtoj kishilar soni 1,368,6 ming kishini tashkil etdi.
Yoshlar orasida ishsizlik darajasi (30 yoshgacha bo’lganlar) 15,1% ni tashkil etdi, 16−25 yoshdagi yoshlar orasida 17,0% dan ortiq, ayollar ishsizlik darajasi 12,9% ni tashkil etdi.
“Ishsizlikning o’sishi 2017 yilga nisbatan (3,5%) ishsizlik darajasi ishsizlikning keskin o’sishiga bog’liq emas, balki ish bilan band bo’lgan aholini hisobga olish metodologiyasini takomillashtirish bilan bog’liq bo’lib, bu ish bilan band bo’lganlarni to’liq hisobga olish imkoniyatini yaratdi”, deyiladi xabarda.
Mehnat resurslarining soni 18,8 million kishini tashkil etdi. Iqtisodiy faol aholi soni 14,6 million kishini, iqtisodiy nochor aholi soni esa 4,1 million kishini tashkil etdi.
Sanoat tarmoqlarida ish bilan band bo’lganlar soni 13,2 millionga yetdi. Iqtisodiyotning rasmiy sektorida band bo’lganlar soni 5,4 millionni tashkil etdi.
Ilgari Spot aholining o`rtacha umumiy daromadlar ko’rsatkichlari haqida xabar bergan edi.
