Vivo kompaniyasi 4 mart kuni Vivo V15 smartfonini namoyish etdi.
Qurilma 4000 mah batareya quvvatiga, tomonlari 19.5:9 nisbatdagi 6.5 dyuymli FHD + Ultra FullView displeyga ega. U old panelning 91,64% maydonini egallaydi va Corning Gorilla Glass 5 shishasi bilan qoplangan.
Mali-G72 grafikali Helio P70 protsessori va 6 Gbayt operativ xotira smartfonning “yuragi” uchun javob beradi. Vivo V15 Android 9 Pie’da ishlaydi va unda ikkita SIM-karta uchun joy, microUSB 2.0 porti, quloqchin uchun joy, Bluetooth 5.0, GPS, NFC va orqa tomonda barmoq izlari skaneri mavjud.
Smartfon 12 Mp (f / 1.78) + 8 Mp (f / 2.2) + 5 megapikselli (f / 2.4) uchta asosiy kamera bilan jihozlangan. Old kamera 32 megapiksel (sensor ISOCELL GD1). U, smartfonning korpusiga o’rnatilgan.
Qurilma mazkur haftada 345 $ narx bilan ikki rangda (Topaz Blue va Glamour Red) sotuvga chiqariladi.
