Endilikda Toshkent shahridagi IT Park qoshidagi IT Akademiyasida sertifikatlashdan o‘tishi mumkin. Bu haqda IT Park rasmiy sayti xabar beradi.
QA o‘zi nima va qanday qilib test o‘tkazuvchi bo‘lish mumkin
Quality Assurance (QA) — bu mahsulot va jarayonlarning standartlar, talablar va protseduralarga muvofiqligini ta’minlaydigan sistematik rejalashtirilgan ish-harakatlar to‘plami. QA jarayonlarni o‘rganish hamda rivojlanish sifatiga ta’sir ko‘rsatishi mumkin bo‘lgan barcha shart-sharoitlarni aniqlashni o‘z ichiga oladi.
Dasturiy ta’minot test o‘tkazuvchilari ilova yaratishda katta ahamiyat kasb etadi. QA test o‘tkazuvchisi — bu dasturiy ta’minotga oid narsalar bilan ishlaydigan va mahsulotning muvofiqligini tekshiradigan mutaxassis hisoblanadi.
QA test o‘tkazuvchisi sertifikatini olish uchun imtihon qay tarzda o‘tadi
Har bir imtihon vakolatli nazoratchi tomonidan nazorat qilinadi, va u texnik muammolarga duch kelganda eksternni xabardor qiladi. Ekstern biron-bir elektron moslama yoki o‘quv materialidan foydalanishi mumkin emas. Imtihon jarayoni video yozuvga olinadi. Imtihon natijasini imtihon tugashi bilan chiqadi.
QA test o‘tkazuvchisi O‘zbekistonda sertifikatlashdan qayerda o‘tsa bo‘ladi
Shubhasiz, xalqaro miqyosda ISTQB IT sohasidagi sinovlar uchun tan olingan etalon hisoblanadi va asosan ishga joylashishga yordam beradi. 2002-yili Belgiyadagi xalqaro notijorat tashkilot ISTQB Certified Tester kompleks sinov dasturini ishlab chiqdi.
16 yil davomida testni o‘tkazish geografiyasi dunyoning 100 dan ortiq davlatlarida tarqaldi hamda millionga yaqin imtihonlar o‘tkazildi va yarim milliondan ortiq sertifikatlar berildi. Hozirgi kunda ISTQB butun dunyo bo‘ylab joylashgan tarkibiy kollegalardan iborat.
Endilikda Toshkent shahridagi IT Park qoshidagi IT Akademiyasida sertifikatlashdan o‘tish mumkin. Batafsil sayt orqali bilib olish mumkin.
Avvalroq Spot, IT Park startaplarni rivojlantirish bo’yicha onlayn seminar tashkil qilganligi haqida xabar bergan edi.
