EastFruit mutaxassislarining fikriga ko‘ra, O‘zbekistonlik iste’molchilar juda yuqori narxlardan norozi. Manbaning aytishiga ko‘ra, bir izohda “O‘zbekistonda bir kilogramm yangi o‘rikning narxi besh kilogramm go‘sht bilan bir xil” deb yozilgan.
Narxlar masalasida iste’molchini hayratga solmaslik uchun supermarketlarda o‘rikning 100 gramm birliklari ko‘rsatilmoqda. O‘tgan yili bu mahsulot birinchi chakana savdoda o‘rtacha uch baravar arzonroqqa sotilgan, uning ulgurji narxi 1 kg uchun $5,5 ni tashkil etgandi.
Yevropaning janubiy mamlakatlarida, xususan Italiya va Ispaniyada u allaqachon faol sotilmoqda. Ushbu mamlakatlarda o‘rik uchun chakana narxlar 1 kg uchun $8−10 ga tushmoqda va narxlarning pasayib bormoqda. Yevropa Ittifoqida erta o‘rikning narxi o‘rtacha O‘zbekistondagiga nisbatan uch baravar past. Qo‘shni Tojikistonda ham yangi o‘rik narxi bu qadar qimmat emas, deyilgan xabarda. 2021 yil 23-aprel holatiga amal qiladi.
Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) mutaxassislari O‘rta osiyolik o‘rik yetishtiruvchilarga mavsumni biroz uzaytirishni maslahat bermoqda. Masalan, Italiyada ishlab chiqaruvchilar yil davomida 8−9 oy bozorlarga o‘rik yetkazib beradilar. O‘zbekistonda esa o‘rik mavsumi atigi 3−4 oy davom etadi, xolos, deyilgan xabarda.
