Avstraliyaning Qantas Airways aviakompaniyasi koronavirusga qarshi emlash uchun mukofotlarni eʼlon qildi. Vaksinatsiya qilingan toʻrt kishidan iborat oʻnta oilaga “mega-sovrinlar” bor. Ular yil davomida Qantas va uning loukosteri boʻlgan Jetstar aviakompaniyasida cheksiz bepul reyslarga ega boʻlishlari mumkin. Bu haqda kompaniya bosh direktor Alan Joys taʼkidlab oʻtgan.
Bloomberg-ning yozishicha, bir yil davomida cheksiz sayohat — bu emlash tezligini oshirishga urinayotgan avstraliyalik tadbirkorlarning tashabbusi hisoblanadi. Joys boshqa kompaniyalarni ham emlash uchun bonuslarni taklif qilishga undagan.
Bunday tashabbuslar bejiz emas. Vaksinalarning yetishmasligi, yuzaga kelishi mumkin boʻlgan nojoʻya taʼsirlar va aholining ikkilanishi sabab Avstraliyaning emlash stavkalari keskin tushib ketmoqda.
