Spot avval yozganidek, radarlar oʻrnatiladigan hududlar kim oshdi savdosida sotila boshlandi. 8-iyul kuni ana shunday ikkita joy ilk marta muvaffaqiyatli sotildi. Bu haqda E-auksion matbuot xizmati xabar berdi.
Gap nima haqida ketyapti
2021-yilning bahoridan boshlab tadbirkorlarga yoʻl harakati qoidalari buzilgan holatlarni foto va videoda qayd etish uchun yoʻllarga kamera va radarlar oʻrnatishi huquqi berildi.
Bunday joylar auksion savdosi orqali berildi — gʻoliblar cheksiz muddat davomida boshqa tadbirkorlarga oʻtish huquqi bilan joylarni qoʻlga kiritishi mumkin.
Sotilgan ikkala hudud ham Xorazm viloyatida joylashgan. Agar birinchisi deyarli boshlangʻich narxga (2,3 mln soʻm) sotilgan boʻlsa, ikkinchisi uchun uch soatlik kurash davom etdi va natijada bu narx 27 baravar oʻsishi bilan yakunlandi (1,5 mln soʻmdan — 40,3 mln soʻmgacha).
Ayni paytda auksionda 100 ga yaqin ana shunday lotlar mavjud. Barcha lotlarga transport oqimi haqidagi maʼlumotlar va soʻnggi ikki yil ichida ushbu hududda aniqlangan qoidabuzarliklar toʻgʻrisidagi statistika ilova qilingan. Shu bilan siz qoidabuzarlardan qancha pul ishlashingiz mumkinligini taxmin qilishingiz mumkin.
Maʼlumot uchun, 2021−2022-yillarda tadbirkorlarni jalb qilish orqali mamlakatda 3356 videokamera va 763 radar oʻrnatilishi rejalashtirilgan.
Avvalroq Spot, Google Maps-da Toshkentdagi radar va kameralarning joylashuv xaritasi paydo boʻlganligi haqida yozgan edi.
