**Maqola Weproject.media materiallari asosida tayyorlandi.
Yulduz Mavlyanova, Toshkent shahri, La Sposa to’y liboslari saloni va Smart Kid loyihasi asoschisi, @yulduz_mav
Foto: Shaxsiy arxivdan
O’zim haqimda
La Sposa to’y liboslari asoschisiman. O’n yildan buyon O’zbekiston va qo’shni davlatlardagi kelinchaklarga eng chiroyli to’y liboslarini taqdim etib kelmoqdamiz. Kompaniyamiz bir nechta xorijiy brendlarning vakili hisoblanadi. To’y liboslarini o’zimizda ham ishlab chiqarishni yo’lga qo’yishni rejalashtirmoqdamiz.
O’z ishimni juda yaxshi ko’raman. O’zbekistonda har bir kelin o’zini eng chiroyli deb his eta oladigan makon yaratishga harakat qildim va buni uddasidan chiqdim deya olaman.
Oilaliman, 3-farzandimni dunyoga keltirish arafasidaman. Ona bo’lgach, bolalar uchun erta vaqtlardan rivojlantirish loyihasi Smart Kid’ni yaratishga qaror qildim. Yaxshi boshqaruvchi, ona va ayol bo’lishga harakat qilaman.
O’zbekistondagi biznes uchun sharoit va rivojlanish haqida
Biz o’z bozorimizda muvaffaqiyat qozonmoqdamiz va o’z brendimizni saqlab qolmoqdamiz. Har qanday vaziyatda ham ijobiy tomonlarni va optimal yechimni topishga harakat qilaman. Pandemiya boshlanishi bilan to’ylar bekor qilinganida, biz kichik, uyda o’tkaziladigan to’y va fotosessiyalar uchun liboslarga e’tibor qaratdik. Siz har doim yechim topishingiz va vaziyatga moslashishingiz mumkin.
Jamiyatdagi munosabat
Onam bilan singlim ham biznes sohasida ishlashadi. Doim odamlar bilan duch kelamiz. Mening fikrimcha O’zbekistonda biznes bilan shug’ullanuvchi ayollarga nisbatan hech qanday qarshiliklar yo’q. Shunday bo’lsa kerak ayollarga xos biznesga egaman.
Eng katta qo’rquv — boshlash
Ayol tadbirkorlar soni juda kam, chunki ularda qo’rquv bor. Eng katta qo’rquv — bu boshlash. Tushunaman, chunki bu narsa o’zimning ham boshimdan o’tgan. Ammo orzuingiz, maqsadingiz bo’lganida, uni qabul qilishingiz va bajarishingiz kerak bo’ladi. Aks holda, orzu tush bo’lib qoladi.
Ayollar qanday qilib biznes qilishni bilmaydi. Bunga ega har yerda ham o’rgatilmaydi. Uyda bizga asosan qanday qilib yaxshi xotin, kelin, ona bo’lish kerakligini aytib berishadi. Bu to’g’ri. Ammo onam, singlim, qiz do’stlarim misolida aytishim mumkinki, siz yaxshi xotin, ona va ishbilarmon ayol bo’lishingiz mumkin. Ammo buning uchun katta xohish bo’lishi kerak.
Maslahatlar
Biznesni boshlashdan oldin hisob-kitoblarni amalga oshirish muhimdir: mijozlaringiz, raqobatchilaringiz kimligini, qaysi bozorga kirishni xohlayotganingizni va qaysi joyingiz borligini bilib oling.
Tamara Samadova, 34 yosh, Toshkent shahri, Burott asoschisi va boshqaruvchisi, Quantum Inc. loyihasi hamkor boshqaruvchisi. @tsamadova
Foto: Shaxsiy arxivdan
O’zim haqimda
Men Burott konsalting agentligining asoschisi va rahbari, Quantum Inc kompaniyasining boshqaruvchi sherigi va ECORN kofe tarmog’ining sobiq boshqaruvchi sherigiman. Mening HoReCa sanoatiga kirib qolishim BON loyihasida rahbar sifatida ishlashim tufayli yuz berdi.
Bu O’zbekistondagi birinchi kofe zanjiri. Loyihalarda hamkorlikda ishtirok etdim: “Qozon” pazandalik san’ati maktabi, “Kvartira” uyi uchun buyumlar do’koni. Endi men “ZЁRNA” mobil kofe do’konlari va sog’lom gazaklarni faol rivojlantirmoqdaman. Shu bilan birga, men ikki farzandning onasiman.
O’zbekistondagi biznes uchun sharoit va rivojlanish haqida
Mamlakatda kamaytirish mumkin bo’lgan ko’plab qarama-qarshiliklar, ortiqcha tekshiruvlar, byurokratik muammolar mavjud. Bu ba’zida odamlarni jiddiy qaror qabul qilishdan to’xtatadi. Siz baquvvat, stressga chidamli bo’lishingiz, qilayotgan ishingizga ishonishingiz va hamma narsani yaxshilab hisoblashingiz kerak.
Foto: Shaxsiy arxivdan
Jamiyatdagi munosabat
Men vaqti-vaqti bilan gender notenglik bilan bog’liq qiyinchiliklarga duch kelaman. Masalan, men qurilishni nazorat qilaman, u yerda yoshi katta erkaklar ishlaydi. Ehtimol, mening tashqi ko’rinishim ular meni jiddiy ayol sifatida qabul qilishlariga imkon bermas. Ammo bu meni bezovta qilmaydi, men o’ziga ishongan odamman va buni o’yin fragmenti sifatida qabul qilaman.
O’zbekistonda ko’plab muvaffaqiyatli ayollar bor: rahbarlar va tadbirkorlar. Barcha odamlar jinsidan qat’i nazar rivojlanayotganidan mamnunman. Hayotimda men yetakchilarni, ikkala jinsdagi tadbirkorlarni uchrataman — ular orasida juda katta farq yo’q. Men yashagan jamiyat odatda ayolning rivojlanish, martaba yoki biznes qurish istagini qabul qiladi.
Maslahatlar
O’z g’oyangizga ishoning. Agar darhol katta imkoniyatlar bo’lmasa, turli yo’nalishlarni sinab ko’ring.
Birovlarning fikriga ko’p quloq solmang. Bu sizni harakatdan to’xtatadi va shubha uyg’otadi.
Qo’rqishga hojat yo’q. Har kimning xatosi bor va buning bo’lgani yaxshi. Ular xatolardan saboq olishadi, ular bilan birga tajriba, moslashuv va ishonch keladi. Asosiysi, biron bir narsaga intilish istagi bo’lishi.
Zarina Yadgarova,32 yosh, Toshkent shahri, Yes for Zoom agentligi asoschisi, Orange Group kompaniyasi hamkori, @zarina.yadgarova
Foto: Shaxsiy arxivdan
O’zim haqimda
Men iqtisodchilar oilasida tug’ilganman va bu yo’nalish bo’yichata’lim oldim. Mening kelib chiqishim — xalqaro biznesda marketing bo’yicha 13 yillik tajribam bilan bog’liq. Mening ilhomim turmush o’rtog’im va uch qizim. Endilikda men O’zbekistondagi “Yes for Zoom” mintaqaviy rivojlanish agentligining asoschisiman va Orange Group’ning sherigiman.
“Yes for Zoom” O’zbekiston bozoriga kirishni rejalashtirayotgan import qiluvchi kompaniyalarga nazariy va amaliy yordam beradi. Bu maslahat ishi va marketing tadqiqotlari, strategiyani ishlab chiqish, reklama kampaniyalarini amalga oshirishdan iborat.
Biz O’zbekiston bozorida xalqaro va mahalliy tovarlarni tanitamiz, yaqin va uzoq xorijlik sheriklar bilan ishlaymiz.
Orange Group’ning rivojlanishi sakkiz yil oldin boshlangan. Bugungi kunda u tashqi reklama agentligidan to’liq sikl agentligiga aylanib ulgurgan. O’z biznesimni yo’lga qo’yganimdan keyin yana ikkita startapni ishga tushirishni rejalashtirmoqdaman.
Foto: Shaxsiy arxivdan
Men O’zbekiston Respublikasi ishbilarmon ayollari assotsiatsiyasining faol sherigi va a’zosi, tadbirkor-mentor, sertifikatlangan hakam, O’zbekiston Respublikasi Xotin-qizlar qo’mitasi loyihalari a’zosi, Milliy marketing assotsiatsiyasining a’zosiman.
O’zbekiston Respublikasi, ivent sanoati hamjamiyatining a’zosi. Men ijtimoiy faolman, xayriya tadbirlarida qatnashaman, rivojlanish, biznes va go’zallik haqida blog yuritaman, o’z tajribam bilan o’rtoqlashaman, o’z ishimni qilishdan ilhomlanaman.
O’zbekistondagi biznes uchun sharoit va rivojlanish haqida
Prezident tashabbusi hamda hukumat ishtirokida ayollarni tadbirkorlikka jalb etish va ularni moddiy tomondan qo’llab-quvvatlashga ko’p etibor berilmoqda.
Mavzuga doir: Ayollarga tadbirkorlik bilan shug’ullanish uchun bank kreditlari ajratiladi. Tadbirkorlik bilan shugʻullanish istagida boʻlgan хotin-qizlarga 150 BHMgacha miqdorda kreditlar ajratiladi.
Yaratilayotgan sharoitlardan unumli foydalangan holda o’z biznesini yo’lga qo’yish uncalik qiyinchilik tug’dirmaydi.
Jamiyatdagi munosabat
Men tajribamga asoslanib ayta olamanki, mamlakatimizda biznesni ayollarniki yoki erkaklarni deb ajratishmaydi. Men qishloq xo’jaligi, umumiy ovqatlanish, logistika va qurilish sohalarida yetakchi va tadbirkor ayollarni ko’p uchratganman. Albatta, mavjud ayollarning ulushi iqtisodiyotda yetarli emas. Ammo jamiyat va hukumat tomonidan katta ko’mak bilan u o’sib boradi.
Foto: Shaxsiy arxivdan
Gender tenglik bilan bog’liq qandaydir agressiv qiyinchiliklarga duch kelmadim. Ammo steriotiplar aralashuvi yuzaga kelgan vaqtlar bo’lgan. Erkak biznesmen agarda ayol tadbirkor bilan ishbilarmonlik uchrashuviga borar ekan, uning tasavvurida “Ishdagi ishq” filmidagi ayol boshliq gavdasi shakllanadi.
Ammo uchrashuv chog’ida u mamlakat mentalitetini hurmat qiladigan, muzokaralar olib borish qobiliyatiga ega va o’z sohasida professional bo’lgan yosh ayolni ko’rmoqda.
Gender tengligi masalasida davlatning faol yordami o’z samarasini bermoqda. Ko’p asrlik poydevor va tarbiya tenglik ma’lum cho’qqilarni zabt etish imkoniyatini berishini anglashga yordam beradi. Ushbu zamonaviy qarash yosh qizlar va ayollarning kelajagiga bo’lgan ishonchini oshiradi.
Maslahatlar
Intilish va mehnatsevarlik doim mukofotlangan. Uch nafar farzandning onasi bo’lishimga qaramasdan, doimo o’z ustimda ishlab, erishgan yutuqlarimda to’xtab qolmayman.
Mening biznesim — O’z yaqinlarimga har tomonlama ko’mak ko’rsata olishim uchun bir vositadir. Tadbirkorlik — bu o’z orzularingizni amalga oshirish va farovonlikka erishish demakdir.
Hech narsa imkonsiz emas, faqat siz va yuqori texnologiyalar asrida Internetda mavjud bo’lgan barcha manbalar mavjud. Ko’plab bepul seminar va treninglar, tadbirkor ayollarning bloglarida marafonlarda ishtirok etish lozim. Ko’plab ayollar biznes jamoalariga a’zo bo’lish katta foyda beradi.
Mavzuga doir maqolalar:
Fotima Ziyodillayeva Buxoroda poyafzal ishlab chiqarishni yo‘lga qo‘yish uchun kredit oldi, lekin nima uchun ishi yurishmadi?
Buxorodagi ikkita korxona asoschisi Fotima Ziyodillayeva biznes yuritishda qanday qiyinchiliklarga duch kelgani va nima uchun biznesda ayollarni erkaklarga qaraganda ancha kuchliroq deb hisoblashi to‘g‘risida hikoya qiladi.
New York Times’dagi vatandoshimiz: qanday qilib Toshkentlik rassom qiz dunyoning eng nufuzli gazetalaridan birining dizayneri bo‘lib qoldi
Toshkentlik rassom qiz Asiya Yaxina AQShga o‘qishga bordi, Microsoftda malaka oshirdi, keyin New York Timesga dizayner bo‘lib ishga joylashdi. Nikita Makarenko bu haqda Spot uchun maxsus hikoya qiladi.
Muvaffaqiyatsizlik bahosi: Anastasiya Li TChKni nega yopganlari, karam tufayli kelib chiqqan jinoiy ish va biznes-hamkorlar bilan munosabatlar to‘g‘risida
Bu hikoya muvaffaqiyatsizlik va xatolar qay yo‘sinda biznesni o‘zgartirishi haqidadir. Odamlarni o‘zgartiradi, Hamma narsani o‘zgartiradi. Biz muvaffaqiyatlar ortidan quvamiz, ammo ayni muvaffaqiyatsizliklar bizni odimlashini sezmaymiz. Bu safar o‘z mag‘lubiyatlari va umidsizliklari to‘g‘risida CEO DBLAning prodyusseri va asoschilaridan biri Anastasiya Li hikoya qiladi.
