HUMO bankomatlari endi kontaktsiz rejimda ishlashi mumkin, deb xabar qildi operator matbuot xizmati.
Naqd pul yechib olish uchun bankomatga bank kartasini kiritish shart emas. NFC sensorini karta bilan tegizish, PIN-kodni va kerakli miqdorni kiritish kifoya.
Hozirda operator bankomatlarni tizimga kiritmoqda. Kontaktsiz usuldan foydalanishdan oldin uning ushbu bankomatda mavjudligini tekshirish kerak, deyiladi xabarda. Buning uchun NFC skanerini ajratib koʻrsatish kerak.
Oʻzbekistonda toʻlov infratuzilmasini modernizatsiya qilish doirasida bir necha yillardan buyon kontaktsiz toʻlovlarni joriy etish amalga oshirilmoqda. 2019-yil may oyida ishga tushirilgan HUMO tizimi kontaktsiz toʻlovlarni qoʻllab-quvvatlashi bilan ajralib turdi.
UZCARD, oʻz navbatida, NFC terminallarini joriy qildi, shuningdek, kontaktsiz toʻlov tizimi kartalarini chiqarishni tashkil etdi. Keyinchalik ular “Tap-to-Phone” formatida — terminal sifatida NFC modulli smartfonlar orqali toʻlovlarni yoʻlga qoʻyishdi.
