Display Supply Chain Consultants (DSCC) tahlilchisi Ross Yangning soʻzlariga koʻra, Apple yigʻiladigan iPhoneʼni 2025-yilgacha kechiktirgan boʻlishi mumkin. Buning oʻrniga kompaniya buklanadigan ekranli MacBookʼni ishlab chiqmoqda.
Yang DSCCʼning Appleʼning yangi hisobotida bir muncha vaqtdan beri mish-mishlarga sabab boʻlayotgan yigʻiladigan iPhoneʼning chiqishi 2025-yilgacha kechiktirilganini aytdi. Ilgari qurilma 2023 yoki 2024-yillarda taqdim etilishi taxmin qilingan edi. Bunday qarorning sabablari oshkor etilmadi, biroq sanoat manbalari Apple buklanadigan smartfonlar bozoriga kirishga shoshilmayotganini aytishdi.
Moslashuvchan iPhoneʼning chiqishi kechiktirilganiga qaramay, Apple trekpad orqali ekranning oʻzini ham, klaviaturani ham oʻrnini bosadigan moslashuvchan displeyli noutbuklarni bozorga chiqarish imkoniyatlarini oʻrganmoqda.
Qayd etilishicha, kompaniya oʻz yetkazib beruvchilari bilan 20 dyuymli buklanadigan displeyga ega qurilmalarni muhokama qilmoqda. Yangning soʻzlariga koʻra, noutbuk ikki tomonlama mahsulot boʻlishi mumkin, yaʼni u toʻliq ochilganda planshet yoki tashqi klaviatura; sichqoncha ulanganda esa monoblok sifatida ishlashi mumkin. Yana qoʻshimcha qildiki, Apple koʻrayotgan oʻlchamlarda qurilma foydalanuvchilarga 4K yoki undan yuqoriroq displeyni taklif qilishi mumkin.
Yangning taʼkidlashicha, Appleʼning buklanadigan noutbuki 2025-yilgacha ishga tushmaydi. Uning taʼkidlashicha, qurilma bozorda 2026 yoki 2027-yilda paydo boʻladi.
