Kundalik onlayn platformasi foydalanuvchilar bilan muloqot qilish uchun oʻzining Telegram botini ishga tushirdi. Bu haqda Spotʼga platforma matbuot xizmati xabar berdi.
Bot (@Kundalik_support_bot) orqali siz tez-tez beriladigan savollarga javob olishingiz, odatiy muammolarga yechim topishingiz, taklif va mulohazalaringiz bilan boʻlishishingiz mumkin.
Xususan, botda obuna uchun toʻlov va kirishni tiklash haqida maʼlumotlar mavjud. Shuningdek, u qoʻllab-quvvatlash xizmatiga foydalanuvchi qoʻngʻiroqlari arxivini olishga yordam beradi.
Bundan tashqari, botda siz tegishli tugmani bosish orqali texnik yordamga xabar yozishingiz mumkin. Soʻrovlar birma-bir koʻrib chiqiladi, javob 24 soat ichida beriladi.
Kundalik jamoasi foydalanuvchilar uchun elektron pochta xabarlarini joʻnatish yoki telefon orqali call-markazga qoʻngʻiroq qilish imkoniyatiga ega boʻlmasdan turib, Telegram botini yaratdi, dedi Kundalik texnik qoʻllab-quvvatlash boʻlimi rahbari Xilola Izzatova.
“Telegram — Oʻzbekistonda koʻpchilikka tanish boʻlgan messenjer boʻlib, unda endi siz bir necha marta click orqali qoʻllab-quvvatlash xizmatiga soʻrov yuborishingiz, istalgan vaqtda javob olishingiz va olingan maʼlumotlarga qaytishingiz mumkin. Javoblar bazasi har doim smartfoningizdagi bot chatida boʻladi”, — deya qoʻshimcha qildi u.
Botda shuningdek, Kundalik veb-saytiga va boshqa ijtimoiy tarmoqlardagi platforma sahifalariga tez oʻtish uchun havolalar ham mavjud.
