Toshkent — Dehli — Toshkent xalqaro yoʻnalishi boʻyicha qatnovlar soni oshirilmoqda, bu haqida “Uzbekistan Airways” xabar berdi.
Qayd etilishicha, ayni paytda aviaqatnovlar seshanba va juma kunlari muntazam amalga oshirilmoqda.
Aviakompaniya xabariga koʻra, 17-apreldan boshlab parvozlar yakshanba kunlari, 4-maydan esa chorshanba kunlari ham amalga oshiriladi.
Aviachiptalarni www.uzairways.com rasmiy saytida, Uzbekistan Airways Sales filialida va aviakompaniyaning agentlaridan xarid qilish mumkin.
Bundan avval Uzbekistan Airways Namangan — Olmaota yoʻnalishi boʻyicha muntazam parvozlarni yoʻlga qoʻyishi xabar berilgandi.
