Jahon oltin kengashining oylik hisobotida aytilishicha, Oʻzbekiston fevral oyida oltin sotish boʻyicha dunyoda birinchi oʻrinni egalladi.
Umuman olganda, jahon markaziy banklarining oltin zaxiralari bir oy davomida 6 tonnaga kamaydi. Biroq ularning umumiy hajmi hali ham soʻnggi 31 yil ichida eng yuqori darajada.
Oʻzbekiston Markaziy banki 2020-yil dekabr oyidan boshlab oltin zaxiralarini minimal darajaga tushirib, 22 tonna qimmatbaho metall sotdi. Vaholanki, qolgan 339 tonna mamlakat valyuta zaxirasining 59%ini tashkil qiladi, deydi tahlilchilar.
Ikkinchi oʻrinda Qatar Markaziy banki 6 tonna oltin sotgan. Qozogʻiston Milliy banki 5 tonna qimmatbaho metall sotgan, Moʻgʻuliston va Germaniya har biri oʻz zaxiralarini bir tonnaga kamaytirgan.
Koʻplab davlatlar bir vaqtning oʻzida oʻz zaxiralaridagi oltin miqdorini oshirdilar. Turkiya bir oyda 25 tonna, Hindiston 2,6 tonna, Irlandiya 1 tonna sotib oldi.
Kelajakda ekspertlar mamlakat regulyatorlari tomonidan oltin sotib olish hajmining oshishini kutishmoqda. Rossiya-Ukraina mojarosi bozorda keskinlikni keltirib chiqardi va bunday vaziyatlarda odatda oltinga talab oshadi.
Baʼzi kuzatuvchilar zaxiralarni saqlab qolish uchun dollarga muqobil izlayotgan mamlakatlar uchun oltin jozibadorligini qayd etishadi. Biroq iqtisodchilarning fikriga koʻra, Amerika valyutasi yaqin oʻn yilliklarda zaxira maqomini yoʻqotish xavfi ostida emas.
