Trans-Afgʻon temir yoʻli loyihasi boʻyicha yerdagi ishlar may oyining oxirigacha boshlanadi. Bu haqda “Khaama” nashri Afgʻoniston muvaqqat hukumatidagi manbalarga tayanib yozmoqda.
12-may, Afgʻoniston tashqi ishlar vaziri v.b. Amir Xon Muttaki Investitsiyalar va tashqi savdo vaziri Sardor Umurzoqov bilan onlayn muzokaralar oʻtkazdi. Koʻplab masalalar qatorida, kelajakdagi magistraldagi ishlarni tezlashtirish imkoniyati ham koʻrib chiqildi.
Tomonlar Termiz — Mozori-Sharif — Kobul — Peshovar temir yoʻli loyihasini tasdiqlashni muhokama qildilar, dedi Afgʻoniston Tashqi ishlar vazirligi matbuot kotibi Abdul Kahar Balx. Shuningdek, oʻzaro savdo va tranzitni kengaytirish mavzusiga ham toʻxtaldi.
Rejaga koʻra, Mozori Sharifdan yoʻnalish Samangan, Puli-Xumri, Kobul, Loʻgar va Jaloloboddan oʻtib, Pokiston chegarasigacha boradi. Uning uzunligi taxminan 600 km boʻladi.
Afgʻoniston temir yoʻllari boshqarmasi boshligʻi Bahturrahmon Sharafatning aytishicha, qurilish boshlanishidan oldin hududni oʻrganish shu oydan boshlanadi.
Trans-Afgʻon avtomobil yoʻlining amalga oshirilishi Markaziy va Janubiy Osiyoni bogʻlash va ular oʻrtasidagi savdo-sotiqni osonlashtirishga yordam beradi. Iqtisodiyot vaziri oʻrinbosari Abdul Latif Nazariyga koʻra, uning sharofati bilan Afgʻoniston mintaqaviy markazga aylanadi va qashshoqlik muammosini hal qila oladi.
