IT Parkning xabar berishicha, 2022-yil 1-chorak yakunlari boʻyicha rezidentlar tomonidan koʻrsatilgan xizmatlarning umumiy hajmi 814 mlrd soʻmni tashkil etdi (taqqoslash uchun: shu davrga nisbatan oʻsish 186 foizni tashkil qilar edi).
IT Park rezidentlari eksporti hajmi oʻtgan yilga nisbatan 3,5 baravarga oshib, $17,3 mln.ni tashkil etdi. Shu bilan birga rezidentlar eksportining 85,2%i AQShga, qolgani Buyuk Britaniya, Koreya, MDH mamlakatlari va BAAga toʻgʻri keladi. 2022-yil oxiriga kelib eksport hajmi $100 mln.ga yetishi kutilmoqda.
Shuningdek, joriy yilning birinchi choragida IT Park rezidentlari soni 588 ta kompaniyani tashkil etdi, bu oʻtgan chorakka nisbatan 130 foizga koʻpdir. Rezidentlar asosan quyidagi sohalarda faoliyat yuritadi:
- dasturiy taʼminot;
- maʼlumotlarni qayta ishlash;
- biznes jarayonlarini avtomatlashtirish;
- IT sohasi va IT eksportini oʻrgatish.
Birinchi chorakda 80 ta kompaniya IT Park rezidenti maqomini oldi, shu tariqa, tegishli davrga nisbatan oʻsish surʼati 200% ni tashkil etdi.
Shu bilan birga, 14 ta kompaniya rezident maqomidan mahrum qilinib, 43 tasiga rezident maqomini olishda rad etildi.
Eslatib oʻtamiz, IT-kompaniyalar va IT oʻquv markazlari IT Park rezidentlari sifatida bir qator muhim imtiyozlarga ega boʻlishi mumkin:
- daromad soligʻi — 7,5%;
- korporativ soliq (yuridik shaxslar uchun soliq) — 0%;
- yagona ijtimoiy toʻlovlar — 0%;
- oʻz ehtiyojlari uchun tovarlarni olib kirishda bojxona toʻlovlari yoʻq.
Shunday qilib, joriy yilning 1-choragi yakuni boʻyicha rezident korxonalarda 11,8 ming kishi ish bilan taʼminlandi va bu oʻtgan yilning shu davriga nisbatan qoʻshimcha ish oʻrinlari sonining 184 foizga oshishiga olib keldi.
