Aprel oyida banklarning kredit portfelidagi muammoli kreditlar (NPL) ulushi yana 0,4% ga oshdi. Markaziy bank statistik maʼlumotlariga koʻra, endi u mart oyidagi kabi 5,3% ni tashkil etadi.
NPLning mutlaq ifodadagi hajmi darhol 1,25 trln soʻmga koʻtarilib, 18 trln soʻmdan oshdi. Shu bilan birga, bank kreditlari miqdori biroz — 4 mlrd soʻmga kamaydi.
Oʻsish boʻyicha “Oʻzsanoatqurilishbank” yetakchi boʻldi. U muddati oʻtgan yangi qarzlarning 1,01 trln soʻmini yoki umumiy oʻsishning 80,77%ini tashkil etdi. Endilikda bank NPL hajmi boʻyicha uchinchi oʻrinda — 2,65 trln soʻm yoki barcha kreditlarning 6,2%i.
Eng yirik muammoli kreditlar portfelining egasi — Xalq banki. Aprel oyida uni yana 80 mlrd soʻmga, ulushini esa 0,6% ga kamaytirdi. Ikkinchi Oʻzmilliybank muddati oʻtgan kreditlarni yana 35 mlrd soʻmga “oʻchirib tashladi”.
“Asakabank” reytingda “Oʻzsanoatqurilishbank"ga oʻz oʻrnini boʻshatib, 70 mlrd soʻmlik kreditorlik qarzidan xalos boʻldi. “Ipoteka-bank” umidsiz qarzlar hajmini yana 19 mlrd soʻmga qisqartirdi. Biroq “Qishloq qurilish bank” va “Mikrokreditbank"da bu koʻrsatkich sezilarli darajada oshdi.
Xususiy banklar orasida muddati oʻtgan kreditlar boʻyicha eng koʻp oʻsish “Ravnaq-bank” boʻldi — oyiga 142 mlrd. Bu uning portfeliga keskin taʼsir koʻrsatdi, NPL ulushi 22% dan 52% gacha oʻsdi.
Keyingi oʻrinlarda 113 mlrd soʻm bilan “Tenge Bank” joy olgan boʻlsa, 50,7 mlrd soʻm bilan “Ipak yoʻli” uchinchi oʻrinda bormoqda. Ularning hajmi “Kapitalbank"da ham 15 mlrd soʻmga oshdi.
Ushbu segmentdagi eng sezilarli yaxshilanishni “Orient Finance Bank” 11,8 mlrd soʻm muddati oʻtgan qarzlaridan xalos qilgan holda koʻrsatdi. “Madad invest” banki tomonidan deyarli 8 mlrd soʻm yopilib, ularning ulushi 5,4% ga kamaygan.
Mart oyida Mamarizo Nurmuratov xorijdan pul oʻtkazmalari qisqarishi fonida muammoli kreditlar koʻpayishini prognoz qilgan edi. Markaziy bank rahbari fuqarolarga vahima qoʻymaslikni, banklarga esa har bir mijozga individual yondashishni tavsiya qildi.
