Azimut aviakompaniyasi Mineralniye Vodidan (Stavropol oʻlkasi) Oʻzbekiston shaharlariga ikkita muntazam reysni yoʻlga qoʻyishga tayyorlanmoqda. Bu haqda tashuvchi saytida xabar berilgan.
5-iyuldan Mineralnye Vodi va Urganch (A45011/A45012) oʻrtasida reys yoʻlga qoʻyildi. Parvozlar seshanbadan chorshanbaga oʻtar kechasi quyidagi jadval (mahalliy vaqt) boʻyicha amalga oshiriladi:
- Mineralnye Vodidan joʻnash — 22:00, Urganchga kelish — 2:20;
- Urganchdan joʻnab ketish — 3:20, Mineralnye Vodiga kelish — 4:00.
Chipta narxi 165 yevrodan boshlanadi (Markaziy bank kursi boʻyicha 1,88 mln soʻm).
Bundan tashqari, 7-iyuldan boshlab aviatashuvchi Mineralnye Vodi — Toshkent reysini (A4681/A4682) amalga oshiradi. Tungi reyslar haftasiga ikki marta amalga oshiriladi:
Payshanbadan jumagacha:
- Mineralnye Vodidan joʻnash — 23:10, Toshkentga kelish — 4:40;
- Toshkentdan joʻnab ketish — 20:25, Mineralnye Vodiga kelish — 23:20.
Yakshanbadan dushanbagacha:
- Mineralnye Vodidan joʻnash — 23:35, Toshkentga kelish — 5:05;
- Toshkentdan joʻnab ketish — 20:25, Mineralnye Vodiga kelish — 23:20.
Chiptalar narxi 130 yevrodan (Markaziy bank kursi boʻyicha 1,48 mln soʻm).
Azimut Rostov-Don va Krasnodar aeroportlarida joylashgan boʻlib, Rossiya va qoʻshni mamlakatlarning mintaqaviy aeroportlari oʻrtasida parvoz qiladi. Kompaniya 2017-yilda tashkil etilgan va u arzon aviakompaniyalarga oʻxshash tamoyillar asosida ishlaydi.
Mart oyi oxirida Uzaviatsiya Azimutga Oʻzbekistonga muntazam parvozlar uchun ruxsatnoma berdi. Ular orasida Mineralniye Vodi — Urganch yoʻnalishi tilga olindi. Shuningdek, kompaniya Moskvadan Navoiyga parvozlar boshlangani haqida xabar berdi.
Eslatib oʻtamiz, avvalroq Spot Utair Moskva va Samarqand oʻrtasida parvozlarni yoʻlga qoʻygani haqida yozgan edi.
