27-iyul kuni Yevropa tiklanish va taraqqiyot banki “Tadbirkor ayollar uchun mentorlik” dasturini yoʻlga qoʻymoqda.

Dastur shaxsiy biznesiga ega yoki biror loyihani boshqarayotgan ayollarni qo‘llab-quvvatlashga qaratilgan.

Loyiha doirasida YeTTB mikro, kichik va oʻrta biznesni rentabellikka erishishda qoʻllab-quvvatlaydi, shuningdek, biznes-maslahat xizmatlarining barqaror tizimini yaratishga yordam beradi.

"Spot.uz"da reklama

Unda mentor yoki menti sifatida ishtirok etish mumkin:

Mentor

Mentor — tajribali mutaxassis boʻlib, u tinglovchiga koʻnikma va malakalarni rivojlantirishga, yangi maqsadlar qoʻyishga va ularga erishish yoʻllarini izlashga yordam beradi.

Unga qoʻyilgan talablar:

  • tadbirkor ayollar yoki biznes sohasida kamida 5 yillik ish tajribasiga ega boʻlgan top-menejerlar;
  • 5 va undan ortiq xodimga ega;
  • kompaniyaning strategik rivojlanishi, xodimlarni va jamoani boshqarish hamda xodimlarni oʻqitish koʻnikmalariga ega boʻlgan tajribali menejer.

Ariza qoldirish.

Menti

Menti — tadbirkor yoki menejer boʻlib, u biznesni rivojlantirishda tadbirkorlik tajribasi bilan oʻrtoqlasha oladigan, shuningdek, turli kasbiy va maʼnaviy yordam koʻrsatishga qodir boʻlgan tajribali hamkasbining yordamiga muhtoj inson.

Talablar:

  • 2 va undan ortiq yil boshqarish tajribasiga ega boʻlgan tadbirkor yoki menejer ayol;
  • biznesi kamida 3 nafar xodimga ega.

Ariza qoldirish.

Dasturda qatnashish bepul. Ro‘yxatga olish 23-iyulga qadar davom etadi.