“Tumaris.Tech” Markaziy Osiyo inkubatsiya va akseleratsiya dasturlarining ikkinchi to‘lqiniga arizalar qabul qilinmoqda.
Ikki yarim hafta davom etadigan dasturda xotin-qizlar ishtirok etishi mumkin.
Dastur 12-dekabrdan onlayn tarzda, rus tilida olib boriladi hamda seanslar texnologik komponentli loyihalarni amalga oshirishni rejalashtirayotgan tadbirkor ayol-qizlar uchun mo‘ljallangan.
Unda quyidagi imkoniyatlar berilishi ta’kidlangan:
- xalqaro ekspertlar bilan o‘quv va strategik sessiyalar;
- o‘qitilgan mutaxassislar bilan trekerlik;
- moliyaviy savodxonlik kurslari;
- notiqlik va vaqtni boshqarish bo‘yicha seminarlar;
- investorlar va yirik bozor ishtirokchilariga loyihalarni taqdim etish;
- so‘rovlar bo‘yicha maslahatlar;
- startap hamjamiyati o‘rtasida networking.
Shuningdek, Toshkentda bo‘lib o‘tadigan xalqaro startap loyihalar ko‘rgazmasida qatnashish hamda istiqbolli loyihalar sarmoyaviy platformaga kirish imkoniyatiga ega bo‘ladi.
Dasturda ishtirok etish uchun joriy yilning 5-dekabriga qadar havola orqali ro‘yxatdan o‘tish kerak.
Batafsil ma’lumot bu yerda.
Avvalroq “Spot” “UniSat” dasturining ikkinchi oqimiga arizalar qabul qilinayotgani haqida xabar bergandi.
