Joriy yilning 1-dekabridan “Kapitalbank” va “Ipak Yo‘li” banklari USD/UZS_MG instrumenti bo‘yicha valyuta fyucherslari bozorida market-meyker maqomiga ega bo‘ldi. Bu haqda O‘zRVB matbuot xizmati xabar bermoqda.
Market-meykerlar majburiyatlariga quyidagilar kiradi:
- bozorda kunlik uzluksiz likvidlikni ta’minlash
- savdolar davomida ma’lum miqdordagi fyuchers shartnomalarini sotib olish
- sotish bo‘yicha ikki tomonlama kotirovkalarning minimal belgilangan umumiy miqdorini saqlash.
Shu bilan birga, bozor “ko‘lamini” (market depth) oshirishga xizmat qilishi belgilangan.
Market-meykerlar bitimlar hajmi oshishiga hamda valyuta kursi asosida bozor indikatorlari shakllanishida tijorat banklarining faollashishiga ko‘maklashadi.
O‘zRVB valyuta bozorida faoliyat 2021-yil 4-oktabrda joriy qilingan bo‘lib, market-meykerlar majburiyatlari va ularni mukofotlash tartibini belgilovchi tegishli dasturlar tasdiqlangan.
Avvalroq, birlamchi dilerlar o‘rtasida davlat qimmatli qog‘ozlarini (DQQ) joylashtirish bo‘yicha birinchi auksion savdolari o‘tkazilgandi.
