25-dekabr kuni Qoraqalpog‘iston yoshlari uchun xakaton bo‘lib o‘tadi, deya xabar bermoqda “IT Park” matbuot xizmati.
Xakaton — bu vaqt cheklangan musobaqa boʻlib, unda jamoalar maʼlum vaqt ichida mahsulot prototipini yoki startap loyihasini yaratishlari kerak.
Unda ishtirokchilariga quyidagi yo‘nalishlardan birida muammoni hal qiluvchi loyihani ishlab chiqish uchun 1 kun vaqt beriladi:
- transport;
- ta’lim;
- turizm;
- ekologiya;
- robototexnika va suniy intellekt;
- sog’liqni saqlash;
- moliyaviy texnologiyalar;
- qurilish;
- qishloq xoʻjaligi;
- aholi bandligi.
Xakatonda ishtirok etish uchun arizalar 2022-yil 23-dekabrgacha havola orqali qabul qilinadi.
Avvalroq “Spot” 23−25-dekabr kunlari Amity universitetida sunʼiy intellekt boʻyicha “Uz-NLP Challenge” xakatoni oʻtkazilishi haqida yozgandi. Unda ishtirok etish uchun arizalarni 21-dekabrgacha topshirish kerak.
