Davlat rahbarining Oliy Majlisga Murojaatnomasida belgilangan vazifalarga muvofiq, tuman va shaharlar mavjud sharoiti, salohiyati va imkoniyatlaridan kelib chiqib 5 ta toifaga ajratilishi bo‘yicha prezident farmoni qabul qilingandi.
Hujjat bilan, 2023-yildan respublikaning 208 ta tuman va shaharlari 5 toifaga ajratilib, tadbirkorlarga soliq imtiyozlari, subsidiyalar beriladi.
Unga ko‘ra, aholi va tadbirkorlarga quyidagi jamg‘armalar hisobidan subsidiya ajratilishi belgilangan:
Aholini tadbirkorlikka jalb qilish jamg‘armasi hisobidan
| Biznesni qo‘llab-quvvatlash yo‘nalishlari | Tuman/shahar toifalari | ||||
| 1 | 2 | 3 | 4 | 5 | |
| — Sug‘orish vositalarini xarid qilishga; — Ishsiz, kam ta’minlangan va tashqi mehnat migratsiyasidan qaytgan fuqarolarning bandligini ta’minlash bo‘yicha tashkil etiladigan qishloq xo‘jaligi kooperativlari ustav fondiga ulush sifatida kiritish. | BHMning 10 baravarigacha (3 mln so‘m) | BHMning 12 baravarigacha (3,6 mln so‘m) | BHMning 15 baravarigacha (4,5 mln so‘m) | ||
| Hunarmandlarga shogird tayyorlash, xomashyo sotib olish va ish haqi bilan ta’minlash maqsadida | BHMning 2 baravarigacha (600 ming so‘m) | BHMning 4 baravarigacha (1,2 mln so‘m) | BHMning 5 baravarigacha (1,5 mln so‘m) | ||
| Shogirdlarga: asbob-uskuna va jihozlarni sotib olishga Ustalarga: internet saytlarini tashkil etish, mahsulotlarni elektron savdo maydonlariga chiqarish va reklama xarajatlari uchun | Xarajatlarning 50%i biroq BHMning 25 baravarigacha (7,5 mln so‘m) | Xarajatlarning 75%i biroq BHMning 30 baravarigacha (9 mln so‘m) | |||
| Bitiruvchilarga NTTga sarflangan xarajatlarning har bir bitiruvchi hisobiga 1 mln so‘mdan oshmagan holda kompensatsiya qilish uchun | Xarajatlarning 70%i | 80% | 100% | ||
Bandlikka ko‘maklashish davlat jamg‘armasi hisobidan
| Yo‘nalishlar | Tuman/shahar toifalari | |
| 1, 2, 3 | 4, 5 | |
Tomorqalarda aholini kooperatsiya va kasanachilik ish bilan ta’minlagan tadbirkorlarga:
| BHMning 20 baravarigacha (6 mln so‘m) | BHMning 25 baravarigacha (7,5 mln so‘m) |
| Umumiy qurilish ishlari bilan shug‘ullanuvchi yakka tartibdagi tadbirkorlarga kamida 3 ta xodimni yollagani uchun | BHMning 15 baravarigacha (4,5 mln so‘m) | BHMning 20 baravarigacha (6 mln so‘m) |
Ta’kidlanishicha, mazkur jamg‘armalar hisobidan beriladigan boshqa subsidiyalar bo‘yicha amaldagi tartiblar saqlab qolinadi.
Avvalroq, qishloq xo‘jaligi mahsulotlarini ishlab chiqaruvchilar “Agrosubsidiya” axborot tizimi orqali subsidiya olishlari mumkinligi haqida xabar berilgandi.
