“Geely” avtomobil brendi rasman O‘zbekiston bozorga kirdi. Bu haqda “Spot"ga kompaniya matbuot xizmati ma’lum qildi.
Qayd etilishicha, “Asaka Motors International” kompaniyasi mamlakatda “Geely” brendini namoyish etadi.
Bu yil innovatsion “Geely” brendining barcha avtomobillar assortimenti mijozlarga taqdim etiladi. Ular orasida “Geely Coolray”, “Geely Monjaro”, “Geely Tugella”, “Geely Okavango”, “Geely Emgrand”, shuningdek, “Geely Geomery C” va “Geely Geometriya E” elektromobillari ham bor.
“Geely Geometry C” elektr krossoveri 204 ot kuchi va 550 km gacha quvvat zaxirasiga ega bo‘ladi. Bundan tashqari, ushbu model menyu multimedia tizimida rus va ingliz tillari joriy etiladi.
“Ushbu model zamonaviy dizaynni yuqori raqobatbardosh afzalliklar, shuningdek jozibador qiymat bilan birlashtiradi”, — dedi “Asaka Motors International” tijorat direktori Saidjon Tursunov.
“Geely Auto” — 1986-yilda tashkil etilgan “Geely Holding Group” tarkibiga kiruvchi brend hisoblanadi.
Avvalroq “Spot” Xitoyning “Exeed” avtomobil brendi O‘zbekiston bozoriga kirishini rasman e’lon qilgani haqida yozgandi.
Yetkazib berish mart oyidan boshlanishi hamda hamkorlikda avtomobillar ishlab chiqarish yo‘lga qo‘yish rejalashtirilgan.
