“IT Park” texnologiya mavzulariga bag‘ishlangan “TechStans Podcast” dasturini ishga tushirdi. Bu haqda texnopark matbuot xizmati xabar berdi.
Loyiha hamkorlari — “Express24” va “MyTaxi” asoschisi, “IT Park” rezidenti Akmal Payziyev, huquqshunos, Stenford universiteti (AQSh) bitiruvchisi Asror Arabjanov hamda “Plug and Play” venchur investori, Yel universiteti bitiruvchisi Abdul Sharopov.
Podkast tinglovchilarni IT va yuqori texnologiyalar sohasidagi eng muhim mavzularni o‘rganishga taklif qiladi.
Ekspertlar haftaning so‘nggi yangiliklari, mahalliy startaplar va texnologik kompaniyalarni muhokama qiladi, shuningdek, sohadagi asosiy tushunchalarni tushuntiradi.
Loyiha 19-martda boshlangan va uning 4-qismi e’lon qilingan.
Podkast Telegram-kanalda o‘zbek tilida olib boriladi. Shuningdek, YouTube platformasida ham e’lon qilinmoqda.
