“Uzbekistan Airways” Ramazon hayiti munosabati bilan bir qator xalqaro yo‘nalishlarga chegirmalar e’lon qildi. Bu haqda aviakompaniya matbuot xizmati xabar berdi.
Chegirma 21-aprel soat 00:00 dan 23:59 gacha quyidagi yo‘nalishlarga amal qiladi:
- Toshkent — Jakarta;
- Toshkent — Tokio;
- Toshkent — Seul;
- Toshkent — Boku;
- Toshkent — Ostona;
- Toshkent — Sharja;
- Toshkent — Dubay;
- Farg’ona — Dubay.
Chiptalarni borish/kelish bo‘yicha biznes va ekonom-klassdagi tariflar uchun xarid qilish mumkin.
Shuningdek, taqdim etiladigan chegirma miqdori kattalar uchun tarifdan 15%, 2 yoshgacha va 2 yoshdan 12 yoshgacha bo‘lgan salonda joy egallovchi bolalar uchun 15%ni tashkil etadi.
Chegirma salonda joy egallamaydigan va 2 yoshgacha bo‘lgan bolalar uchun amal qilmaydi hamda 21-apreldan xarid qilingan chiptalarni qayta rasmiylashtirish yoki qayta bron qilishda qo‘llanilmaydi.
Chegirma bilan sotib olingan foydalanilmagan chiptani qayta rasmiylashtirganda, to‘liq tarif darajasida qo‘shimcha to‘lov talab qilinadi.
