Markaziy bank to‘lov tizimlari operatorlari va tashkilotlari faoliyatini nazorat qilish to‘g‘risidagi nizomni tasdiqladi. Hujjat Lex.uz maʼlumotlar bazasida eʼlon qilingan.
Hujjatga ko‘ra, tartibga soluvchi organ kompaniyalarning to‘lovlar sohasidagi faoliyatiga oid ma’lumotlarni so‘rashga haqli. Xususan, u shaxsiy ma’lumotlar haqida ma’lumot so‘rashi mumkin.
Markaziy bank hisobot berish shakllari va muddatlarini, shuningdek uni shakllantirish uslubiyatini belgilaydi. Kompaniyalardan olingan ma’lumotlar keyingi qarorlar qabul qilish uchun tahlil qilinadi.
Markaziy bank to‘lov xizmatlari va tizimlari faoliyatini o‘rganishda “sirli xaridorlar” ishtirokidagi faoliyatni amalga oshirishi mumkin.
Qabul qilingan ma’lumotlarga asoslangan xavfni baholash natijalariga ko‘ra, tartibga soluvchi operator faoliyatini tekshirish tekshiruvini o‘tkazishi mumkin.
Bitta tashkilotda audit yiliga bir marta o’tkazilishi mumkin, asosiy to‘lov tizimining operatorlariga xizmatlar ko‘rsatishda uzilishlar bundan mustasno. Uning davomiyligi 30 kalendar kundan oshmasligi kerak.
Asosiy operatorlar deganda barqarorligi Oʻzbekiston toʻlov xizmatlari bozori uchun muhim boʻlgan operatorlar tushuniladi. Ularga oyiga 2 mlndan ortiq faol foydalanuvchi yoki yillik aylanmasi 12 trln so‘mdan ortiq bo‘lgan tizimlar kiradi.
Qonunbuzarliklar aniqlangan taqdirda, Markaziy bank operatorga ularni bartaraf etish to‘g‘risida buyruq yuboradi.
Agar u o‘z vaqtida bajarilmasa (kamida 10 ish kuni), shuningdek jiddiy qoidabuzarlik aniqlansa, tartibga soluvchi sanksiyalarni qo‘llash huquqiga ega:
- BHMning 5000 baravari (1,65 mlrd so‘m)gacha miqdorda jarima;
- to’lov xizmatlari va operatsiyalarining ayrim turlarini 6 oygacha cheklash;
- litsenziyaning amal qilishini 10 ish kunigacha to‘xtatib turish;
- “To‘lovlar va to‘lov tizimlari to‘g‘risida"gi qonun hujjatlarini muntazam yoki qo‘pol ravishda buzgan taqdirda litsenziyani bekor qilish.
Avvalroq “Spot” “Mastercard” to‘lov tizimi O‘zbekistonda o‘z vakolatxonasini ochishi haqida yozgandi.
