Xitoy-Qirg‘iziston-O‘zbekiston temir yo‘lining texnik-iqtisodiy asoslarini ishlab chiqish yakunlandi. Bu haqda “O‘zbekiston 24"ga Transport vazirligi rahbari Ilhom Mahkamov ma’lum qildi.
Uch mamlakat mutaxassislari loyihaning texnik-iqtisodiy asoslarini ishlab chiqishda o‘tgan yilning kuzida, bo‘lajak filialning yo‘nalishi oldindan kelishilgan paytdan boshlab ish olib borishmoqda.
Yaqinda Sian shahrida o‘tkazilgan “Markaziy Osiyo-Xitoy” sammiti doirasida jarayonni tezlashtirish bo‘yicha uch tomonlama yo‘l xaritasi imzolandi.
Bundan tashqari, Mahkamov Xitoy transport kompaniyalari O‘zbekistonda logistika markazlarini tashkil etishdan manfaatdor ekanini ta’kidladi. Shavkat Mirziyoyevning Xitoyga tashrifi doirasida bir qancha tegishli shartnomalar imzolangan.
“O‘zbekiston temir yo‘llari"ning yuk tashuvchi sho’ba korxonasi — “O‘ztemiryo‘lkonteyner” ishtirokida chegara hududlarida logistika markazlari tashkil etiladi. Tomonlar konteyner orqali yuk tashuvlarini birgalikda tashkil etadi.
Biznes-forumda imzolangan hujjatlar orasida multimodal logistika markazini yaratish bo‘yicha kelishuv qayd etildi.
Paketga “O‘zbekiston temir yo‘llari” lokomotiv parkini yangilash bo‘yicha kelishuv ham kiritilgan.
Avvalroq Toshkentda O‘zbekiston-Afg‘oniston-Pokiston temir yo‘l liniyasini muvofiqlashtirish ofisi ochilgandi.
