Norvegiyadagi “Equinor LNG” zavodida gaz sizib chiqishi haqidagi xabarlardan keyin Yevropada gaz narxi oshishi o‘rniga pasaygan, deya xabar bermoqda “Kommersant.
Bu holat haqidagi ma’lumotdan so‘ng Yevropada gaz narxi 15%ga oshdi. Biroq, bu jiddiy baxtsiz hodisa emasligi aniq bo‘lgach, 1-iyun kuni savdo kunining oxirida narxlar 14%ga tushdi.
1-iyundagi savdo kuni yakuniga ko‘ra, Gollandiyaning “TTF” xabidagi kelishuv narxlari 14%ga tushib, 1000 kub metr uchun $258ni tashkil qildi.
“Equinor” o’z xabarida zavodni qayta tiklash sanasini hozircha aytib bera olmasligini ta’kidladi.
Biroq, 1-iyun kuni Norvegiya gaz uzatish tizimining operatori “Gassco” razvedka ma’lumotlariga ko’ra, Hammerfestdagi zavodga gaz etkazib berishni 8 iyun oqshomida qayta tiklash rejalashtirilganligini ma’lum qildi.
Yevropada gaz narxi 2022-yil dekabr oyidan beri deyarli uzluksiz pasayib bormoqda, o‘shandan beri 6,5 baravar va 2022-yil avgust oyidagi eng yuqori ko‘rsatkichlarga nisbatan 13 baravar arzonlashdi.
10-may kuni Yevropada gaz narxi 1000 kub metr uchun $400dan pastlagandi.
“TTF” indeksi bo‘yicha iyun (eng yaqin) fyucherslari (Yevropadagi eng yirik markaz, Niderlandiyada joylashgan) har ming kub metr uchun $409,5dan (+0,4%) savdoni ochdi.
Kun davomida gaz narxi $410,7 (+ 0,7%) yuqori natijaga yetdi. Biroq, kechqurun fyuchers narxlari 2021-yil iyulidan beri birinchi marta $400dan pastga tushdi.
Yevropada gaz narxi 2021-yilning bahorida sezilarli darajada oshdi. Oʻsha paytda gaz narxi 1000 kub metr uchun $250−300 oraligʻida oʻzgarib turardi, yoz oxiriga kelib ular $600dan, kuzda esa $1000dan oshdi.
2022-yil qishida narxlar 1000 kub metr uchun $2000 chegarasidan o‘tdi va erta bahorda Rossiya energiya resurslari importiga taqiq qo‘yilishidan qo‘rqib, rekord darajaga — 1000 kub metr uchun $3892ga yetdi.
25-avgustda Yevropada gazning birja narxi 8-martdan beri $3200 dan oshgandi. Avgust oyi oxiridan gaz narxi yana pastlay boshladi.
Yevropada gaz narxi iyun oyidan beri birinchi marta 18-oktabrda $1200 dan pastlagandi. Keyinchalik oy oxirida narx $1000 dan pastlab, $953 ga baholangandi.
Gaz narxi 27-dekabrda 2022-yil 13-iyundan beri birinchi marta $900dan pastga tushganidan keyin, 10 oy ichida birinchi marta 30-dekabrda 1000 kub metr uchun $800dan pastga tushdi.
