Kanadaning “Arton Capital” konsalting kompaniyasi tomonidan tuzilgan “Pasport Index” xalqaro pasport mustahkamligi reytingida O‘zbekiston 96 davlat orasida 69-o‘rinni egalladi.
Mazkur reytingda O‘zbekiston 2022-yil natijalari bilan 73-o‘rinni egallagandi.
Reytingni tuzishda kompaniya pasportlarni ularning egalari qancha davlatga vizasiz yoki soddalashtirilgan tartibda viza olish orqali nechta mamlakatga bora olishiga qarab baholagan.
Oʻzbekiston fuqarolari 24 ta davlatga vizasiz borishlari, 43 ta davlatga borganda viza rasmiylashtirish kerak bo‘ladi, ikki davlat uchun esa mamlakatga kutilayotgan kelish vaqti talab qilinadi. 129 ta davlatga tashrif buyurish uchun umumiy belgilangan tartibda kirish vizasi talab qilinadi.
Dunyodagi eng kuchli pasport egalari Birlashgan Arab Amirliklari fuqarolari bo‘ldi. Ular uchun 118 ta davlatda vizasiz rejim mavjud, yana 55 ta davlatga kelganida vizani olish mumkin.
Afg‘oniston oxirgi qatorda — atigi 3 ta davlat o‘z fuqarolariga vizasiz sayohat qilishni taklif qiladi, yana 33 davlatga kelganida vizaga murojaat qilishlari kerak.
MDH hududida Rossiya rasmiy ravishda peshqadamga aylandi, 123 mamlakat koʻrsatkichi bilan 35-oʻrin. Mamlakat fuqarolari 79 davlatga vizasiz rejimda, 44 tasiga ega kelish vizasi bilan bora oladi. Hamdoʻstlik mamlakatlari orasida eng zaif pasport Turkmanistonga tegishli — 78-oʻrin.
Avvalroq “Spot” “Henley Passport Index” reytingida O‘zbekiston 88-o‘rinni egallagani haqida yozgandi.
