“Google” “Women Techmakers Ambassador” onlayn dasturiga xotin-qizlardan arizalar qabul qilmoqda.
Dastur o‘z jamoalariga ijobiy ta’sir qilishni xohlovchi, texnologiya sohasidagi ayollarni qo‘llab-quvvatlashga qaratilgan.
Ishtirokchilar elchi sifatida bir nechta yetalchilik faoliyatini olib borishi, “Google” hamda boshqa hamjamiyatdan yordam olishlari mumkin bo‘ladi.
Nomzodlar quyidagi talablarga javob berishi kerak:
- 18 yosh yoki undan katta;
- tadbirlar tashkil etish, ularda nutq so‘zlash, bloglar yoki video resurslar yaratish va boshqalar bo‘yicha kamida 1 yillik tajribaga ega bo‘lish;
- “Google” texnologiyalariga qiziqish bildirish;
- Dasturda faol ishtirok etishga va yil davomida har qanday jamoat faoliyatini amalga oshirishga vaqt ajratish (10 soat/chorak minimal majburiyat).
Qabul qilingan ishtirokchilar har 3 oyda kamida bir marta texnologik hamjamiyatda tadbirlar tashkil etishi kerak.
Dastur talablarini batafsil bu yerdan bilib olish mumkin.
Unda ishtirok etish uchun arizalarni joriy yilning 30-iyunigacha havola orqali jo‘natish mumkin.
Avvalroq ijodiy iqtisodiyotni qo‘llab-quvvatlash onlayn ta’lim dasturiga arizalar qabul qilinayotgani haqida xabar berilgandi.
