Prezident tomonidan imzolangan qonun bilan “Davlat boji to‘g‘risida"gi qonunga o‘zgartirish va qo‘shimchalar kiritildi.
Unga ko‘ra, uyali aloqa virtual operatorlari (provayderlar) tomonidan ko‘chma radiotelefon (uyali) aloqa tarmoqlari xizmatlarini ko‘rsatishda litsenziya olganlik uchun to‘lanadigan davlat boji BHMning 25 ming baravari etib belgilandi.
Oldin mazkur xizmatni amalga oshirish uchun to‘lanadigan davlat boji BHMning 140 ming baravarini tashkil etgan.
Shuningdek, quyidagi xizmatlar uchun litsenziya olishda to‘lanadigan davlat boji miqdorlari kamaytirildi:
| № | Faoliyat turi | Oldingi miqdor | Yangi miqdor | ||
| BHM | mln so‘m | BHM | mln so‘m | ||
| 1 | teleradioeshittirishlarni tarqatish (namoyish qilish) tarmoqlarini loyihalashtirish, qurish, ulardan foydalanish va ularning xizmatlarini ko‘rsatish | 340 | 112,2 | 170 | 56,1 |
| 2 | teleradioeshittirishlarni tarqatish (namoyish qilish) tarmoqlarini loyihalashtirish | 20 | 6,6 | 10 | 3,3 |
| 3 | teleradioeshittirishlarni tarqatish (namoyish qilish) tarmoqlarini qurish | 20 | 6,6 | 10 | 3,3 |
| 4 | teleradioeshittirishlarni tarqatish (namoyish qilish) tarmoqlaridan foydalanish | 150 | 49,5 | 75 | 24,7 |
| 5 | teleradioeshittirishlarni tarqatish (namoyish qilish) tarmoqlari xizmatlarini ko‘rsatish | 150 | 49,5 | 75 | 24,7 |
Qonun rasmiy e’lon qilingan kundan boshlab kuchga kiradi.
