23-iyun kuni soat 18:30da “IT Park” Toshkent binosida “Biznesni avtomatlashtirish va qanday mutaxassislar kerak?” mavzusida Edusession bo‘lib o‘tadi.
Tadbir spikeri — “Siroca Tech” direktori, “IT Park” rezidenti Vasiliy Kogay bo‘ladi.
Sessiya davomida u biznesni avtomatlashtirishning ahamiyati, xalqaro tajriba, tibbiyotni raqamlashtirish hamda foydalanuvchilar IT-kompaniyalardan nimani kutayotganlari haqida gapirib beradi.
Shuningdek, ishtirokchilar quyidagilar haqida bilib oladilar:
- biznes jarayonlarini avtomatlashtirish nima degani;
- ushbu kasb uchun qanday taʼlim darajasi talab qilinadi;
- masofaviy ravishda ishlash mumkinmi;
- karyera zinapoyasida koʻtarilish mumkinmi.
Sessiyada ishtirok etish bepul bo‘lib, u rus tilida olib boriladi.
Arizalar 22-iyunga qadar havola orqali qabul qilinadi.
Batafsil ma’lumot bu yerda.
Spiker haqida maʼlumot:
Vasiliy Kogay IT sohasidagi faoliyatini 16 yoshida boshlagan. 2018−2021-yillarda u “Siroca Technology” xalqaro IT kompaniyasining O‘zbekistondagi vakili boʻlib ishlagan, 2021-yilda esa korxona direktori boʻlgan.
Vasiliy “Fox Studio” tirnoq studiyasi asoschisi, “Amac” restorani va Namangandagi “Ponchik” qahvaxonasi hammuassisi.
Avvalroq “Spot” “AgriTech4Uzbekistan” innovatsion tanloviga ro‘yxatdan o‘tish boshlangani haqida yozgandi.
