Aravakashlikdan premium shokolad ishlab chiqarishgacha: Qand hikoyasi
“Qand” brendi asoschisi Saidakmal Vahobov biznesga qanday kirib kelgani, qandolatchilik qilish g‘oyasi qayerdan paydo bo‘lgani, O‘zbekistonda tadbirkorlik bilan shug‘ullanishda nimalar muhimligi haqida Spot’ga so‘zlab berdi.
IT bo‘yicha 5 ta kitob: Swift dasturlash tili
Ushbu to‘plam Swift dasturlash tilini o‘rganishni boshlayotganlar va turli darajaga ega bo‘lgan mutaxassislar uchun foydali bo‘ladi.
Click va Uzum: birlashish bozor va umuman fintex-sanoati rivojlanishiga qanday ta’sir qiladi?
12-iyun kuni Click va Uzum kompaniyalari birlashgani e’lon qilindi. Spot kelishuv tafsilotlarini bilish uchun kompaniya bilan bog‘landi, shuningdek, bu raqobatga qanday ta’sir qilishi, fintex-sohasining rivojlanishi va unda yuzaga kelishi mumkin bo‘lgan xatarlar haqida soha mutaxassislari bilan suhbatlashdi.
Walkntalk asoschisi Zakiya Dalimova tomonidan tavsiya etilgan 5 ta kitob
Tadbirkor fikrlashni kengaytirishga va karyera bilan bog‘liq bo‘lmagan baxtni qanday topishni o‘rgatadigan kitoblari haqida Spot bilan o‘rtoqlashdi.
Haftaning asosiy yangiliklari
- Gazprom 1-oktabrdan O‘zbekistonga kuniga 9 mln kubometr tabiiy gaz yetkazib berishni rejalashtirmoqda.
Mamlakatga Qozog‘iston orqali yetkaziladigan tabiiy gazning yillik hajmi esa qariyb 2 mlrd 800 mln kubometrni tashkil etadi. - O‘zbekistonliklar Qurbon hayitida necha kun dam oladi?.
Prezident qaroriga ko‘ra, barcha xodimlar uchun 29−30-iyun kunlari, olti kunlik ish haftasidagi xodimlar uchun 1-iyul kuni qo‘shimcha dam olish kuni sifatida belgilandi. - Joriy yilda ham magistraturada o‘qiydigan xotin-qizlarning kontrakt pullari to‘lab beriladi.
Buning uchun magistraturada o‘qiyotgan xotin-qizlar har yili 15-sentabrgacha o‘zlari o‘qiyotgan OTM rektori nomiga ariza bilan murojaat qilishlari kerak. - AQSh Alisher Usmonovni sanksiyalar ro‘yxatiga kiritdi.
Shuningdek, ro‘yxatga tadbirkor Gennadiy Timchenko, Davlat dumasi deputati Sulaymon Kerimov va boshqa bir qator yirik tadbirkorlar ham kiritilgan. - 2023−2024-o‘quv yili uchun OTMlarga hujjat topshirish boshlandi.
Abituriyentlar my.uzbmb.uz saytining oliy ta’lim muassasalarining bakalavriatiga qabul bo‘limi orqali onlayn ro‘yxatdan o‘tishlari mumkin. - Venchur tahlilchisi kursining o‘ninchi oqimiga arizalar qabul qilinmoqda.
Unda ishtirok etish bepul bo‘lib, kurs 4 hafta davom etadi. - Ukrainaning Uklon taksi xizmati O‘zbekistonda o‘z faoliyatini boshladi.
Hozircha taksi xizmati faqat Toshkent shahrida mavjud. Shuningdek, Uklon yetkazib berish xizmatini ham taqdim etadi. - “Uzbekistan Airways” parvozlarni boshqarish markazini foydalanishga topshirdi. Foto.
Mazkur markaz havo kemalarining holatini kuzatish, parvozga tayyorlik darajasi va parvozdagi yo‘lovchilar haqida to‘liq ma’lumot olish imkonini beradi. - YouTube videolarni turli tillarga avtomatik dublyaj qilishni sinovdan o‘tkaza boshladi.
U hozircha ba’zi mualliflar uchun mavjud bo‘lib, faqat ingliz, ispan va portugal tillarida ishlamoqda. - Qurbon Hayiti munosabati bilan qo‘shimcha poyezd qatnovlari yo‘lga qo‘yilmoqda.
Xususan, Qarshi, Samarqand, Namangan hamda Xivaga 26-iyundan 3-iyulgacha qatnovlar tashkil etiladi.
