Gruziyada o‘tkaziladigan “500 Global Investment Accelerator” xalqaro akselerator dasturining beshinchi to‘lqiniga arizalar qabul qilinmoqda. Bu haqda “IT Park” matbuot xizmati xabar berdi.
Dastur tadbirkorlikni qo‘llab-quvvatlash, texnologik ekotizimni rivojlantirish, xalqaro aloqalarni o‘rnatish va ishtirokchilarga investitsiyalarni jalb qilishga ko‘maklashishga qaratilgan.
Nomzodlar quyidagi mezonlarga muvofiq kelishi kerak:
- kompaniya texnologiyalar yoki texnologik yechimlarni ishlab chiqish bilan shug‘ullanishi;
- EECCA mamlakatlaridan birida kompaniya vakolatxonasining mavjudligi;
- mahsulotning funksional prototipining mavjudligi;
- mahsulotning bozor talablariga javob berishi;
- startap jahon bozoriga chiqish imkoniyatiga egaligi;
- himoyalangan lavozimga ega bo‘lish (intellektual mulk, domen yoki mintaqada ish tajribasi);
- bozor haqida tushunchaga ega bo‘lgan o‘zaro faoliyat guruhining mavjudligi.
Shuningdek, startap venchur kapitalni jalb qilish imkoniyatiga ega.
Dasturda ishtirok etish uchun arizalarni 11-avgustda havola orqali jo‘natish mumkin.
Batafsil ma’lumot bu yerda.
“500 Global” boshqaruv ostidagi aktivlari $2,7 mlrd.ga ega venchur kapital firmasi bo‘lib, texnologiya kompaniyalarini barpo etuvchi loyihalarga sarmoya kiritadi. Kompaniya qiymati $1 mlrd.dan ortiq 49 ta kompaniya va qiymati $100 mln.dan ortiq qariyb 150 ta kompaniyani o‘z ichiga oladi.
Avvalroq Singapurda o‘tkaziladigan “SLINGSHOT” startap tanloviga arizalar qabul qilinayotgani haqida xabar berilgandi. Arizalarni 17-iyulgacha jo‘natish mumkin.
