8−9 avgust kunlari Toshkentda xalqaro IT biznes-forumi va B2B/B2G uchrashuvlari bo‘lib o‘tadi, deya xabar berdi Savdo-sanoat palatasi matbuot xizmati.
Tadbir doirasida 20 dan ortiq xorijiy texnologiya kompaniyalari vakillari bilan bir qator B2B/B2G uchrashuvlari ham o‘tkaziladi.
Ular quyidagi sohalarda xizmatlar ko‘rsatadilar:
- dasturiy ta’minot / ilovani ishlab chiqish va loyihalash;
- DevOps loyihalarini qo‘llab-quvvatlash;
- sun’iy Intellekt;
- kontent;
- energetika, uy-joy kommunal xo’jaligi;
- IT-konsalting;
- transportlarni boshqarish;
- biometriya va xavfsizlik;
- IT-ta'lim.
Forum 8-avgust kuni soat poytaxtdagi “Hilton” mehmonxonasida bo‘lib o‘tadi. Kunning ikkinchi yarmi, shuningdek, 9-avgust kuni xorijiy kompaniyalar bilan uchrashuvlar uchun ajratilgan.
Forumda ishtirok etish bepul boʻlib, havola orqali oldindan ro‘yxatdan o‘tish talab qilinadi.
Batafsil maʼlumotni (+998) 99 872 14 44 telefon orqali olish mumkin.
Avvalroq “Spot” Germaniyada o‘tkaziladigan Yosh tadbirkorlar dasturiga arizalar qabul qilinayotgani haqida yozgandi.
Unda o‘zbekistonlik yosh biznes vakillari ham ishtirok etishi mumkin. Dastur 3 bosqichdan iborat, eng yaxshi loyiha ishtirokchilari Berlinda o‘tkaziladigan konferensiyaga tanlab olinadi.
