Xabar yangilandi. 11:20 atrofida “Payme” “Uzcard” hamda “Humo” orqali pul o‘tkazmalarini amalga oshirish qayta tiklandi. 12:46 da esa “Oson"da “Uzcard” hamda “Humo” to‘lov tizimlari uchun xizmatlar tiklandi.
“Oson” hamda “Payme” to‘lov tizimlari ishida uzilishlar yuzaga keldi.
Xususan, “Oson"ning 5-avgust kuni bergan e’lonida qayd etilishicha, kompaniyaga bog‘liq bo‘lmagan sabablarga ko‘ra “Uzcard” hamda “Humo” kartalari tizimdan vaqtinchalik uzilgan.
Texnik muammolar tizimdan mustaqil ravishda, hamkorlar tomonidan kuzatilayotgani, nosozlik onlayn tarzda qisqa vaqt ichida tuzatilishi ta’kidlangan.
Kompaniyaning “Spot"ga ma’lum qilishicha, mutaxassislar yopilish sabablarini izlamoqda, huquqshunoslar va texnik guruh esa vaziyat bo‘yicha to‘lov tizimlari va Markaziy bankka tegishli so‘rovlar yubormoqchi.
“Tizim orqali xalqaro pul o‘tkazmalari va boshqa kartasiz operatsiyalar uzluksiz ishlamoqda”, — dedi bosh direktor Farhod Mahmudov. Biroq, ikkala tizimning o‘chirilishi 2 mlndan ortiq foydalanuvchi uchun jiddiy qiyinchilik va xavf tug‘diradi.
Shuningdek, u kompaniya ishini blokirovka qilish uchun qonuniy asoslar yo‘qligini, biroq oddiy tizim har daqiqada yo‘qotishlarni, shu jumladan, obro‘-e'tiborini yo‘qotishini ham ta’kidladi.
“Biz hech qachon firibgarlik bilan bog‘liq talab va tekshiruvlar ro‘yxatiga kirmaganmiz. Tizim texnik kelib chiqishining eng muhim qismi — bu kiberxavfsizlik. Hamkorlar bilan biz ko‘p yillar davomida uzluksiz va kechikishlarsiz hamkorlik qilib kelyapmiz”, — dedi Farhod Mahmudov.
Bundan tashqari, 6-avgust kuni “Payme” ilovasida ham “Uzcard” hamda “Humo” to‘lov tizimlari orqali pul o‘tkazmalari vaqtincha ishlamasligi haqida xabar berildi.
Qayd etilishicha, bunga rejadan tashqari olib borilayotgan texnik ishlar sabab bo‘lgan.
“Mutaxassislarimiz ishni iloji boricha tezroq tiklash uchun barcha imkoniyatlarni ishga solmoqda. Vaziyat uchun uzr so‘raymiz”, deyiladi xabarda.
Joriy yilning may oyida “TBC Bank Group” “Payme"ning 49% ulushini $55,7 mlnga sotib oldi. Kompaniya aksiyalar nazorat paketining 51%ini esa undan oldin, 2019-yilda sotib olgandi.
2022-yili regulyator “Turkiston Bank” litsenziyasini qaytarib olishi natijasida, “Oson” foydalanuvchilarining 1,5 mlrd so‘mdan ortiq elektron pullari muzlatib qo‘yildi.
To‘lov tizimi asoschisi Farhod Mahmudov “Turkiston Bank” litsenziyasi bekor qilinishining oqibatlari va mijozlarga mablag‘larini qaytarish yo‘llari haqida “Spot"ga so‘zlab bergandi.
Avvalroq Toshkentda joylashgan to‘lov kompaniyasi fuqarolar plastik kartasidan 12 mlrd so‘m o‘g‘irlaganligi haqida xabar berilgandi.
