Qoraqalpog‘istonda o‘tkaziladigan inkubatsiya dasturiga arizalar qabul qilinmoqda. Bu haqda “IT Park” matbuot xizmati xabar berdi.
Loyiha startap g‘oyalarini qo‘llab-quvvatlash, mutaxassislar va taniqli tadbirkorlarning treninglari va konsultatsiyalari orqali loyihalarni ro‘yobga chiqarishga qaratilgan.
Dastur davomida startapni takomillashtirish va uni bozorga chiqishga tayyorlashga yordam beriladi.
Inkubatsiya dasturi quyidagilarni taqdim etadi:
- mentorlar yordami
- tadbirkorlik va IT sohasidagi mutaxassislardan seminarlar;
- tanlovlar;
- networking;
- investorlarni jalb qilish uchun taqdimotga tayyorgarlik;
- loyihalarni taqdim etish orqali investitsiyalarni jalb qilish.
Dasturda ishtirok etish bepul bo‘lib, ikki oy davom etadi hamda innovatsion g‘oyalarga ega barcha yoshlar ishtirok etishlari mumkin.
Arizalarni joriy yilning 27-avgustigacha havola orqali jo‘natish mumkin. Batafsil ma’lumot bu yerda.
Avvalroq “Software Wizards” kompaniyasi tomonidan ishga tushirilgan “QA Engineering” kursiga arizalar qabul qilinayotgani haqida xabar berilgandi.
