O‘zbekiston Vengriyaning OTP banki bilan $100 mlnlik qo‘shma investitsiya fondini yaratadi, deya matbuot anjumani ma’lumotlariga tayanib, “Világgazdaság” nashri xabar berdi.
Investitsiyalar, sanoat va savdo vaziri Laziz Qudratov Vengriya tashqi ishlar va savdo vaziri Peter Siyarto bilan muzokaralar olib bordi.
Vengriya tomonining qayd etishicha, O‘zbekiston atom elektr stansiyasini Vengriya tomoni taqdim etishi mumkin bo‘lgan quruq sovitish texnologiyasidan foydalangan holda qurishni rejalashtirmoqda. Mamlakat Vengriya kabi atom energiyasini xavfsiz, arzon va ishonchli energiya ta’minoti kafolati deb biladi.
“Agar O‘zbekistonda yadroviy loyihada muvaffaqiyatga erishilgan bo‘lsa, Vengriyaning quruq sovutish texnologiyasidan foydalanish to‘g‘risida kelishuvga erishildi, bu esa Rossiya-O‘zbekiston-Vengriya qo‘shma yadro hamkorli yuzlab million yevroga teng bo‘lganini anglatadi”, — dedi Siyarto.
Shuningdek, Peter Siyarto Vengriyaning “Rixter” farmatsevtika kompaniyasi O‘zbekistonda o‘z mahsulotlarini ishlab chiqarishni yo‘lga qo‘yish bo‘yicha muzokaralar olib borayotganini, boshqa bir kompaniya “Meditop” esa mamlakatda o‘z vakolatxonasini ochib, sarmoya kiritishga tayyorlanayotganini ta’kidladi.
Mamlakatning OTP banki O‘zbekiston davlat investitsiya jamg‘armasi bilan $100 mlnlik qo‘shma investitsiya fondini tashkil etishga kelishib oldi.
Peter Siyarto vengriyalik investorlar imtiyoz asosida faoliyat yuritishi mumkin bo‘lgan Toshkent shahri yaqinidagi maxsus sanoat zonasini tayyorlash ishlari yaxshi ketayotganini ta’kidladi.
Yil oxirigacha barcha ishlar yakunlanishi va o‘nlab kompaniyalar allaqachon imkoniyatlarga qiziqish bildirayotganini ma’lum qildi.
20-avgustdan ikki poyaxt o‘rtasida to‘g‘ridan-to‘g‘ri aviaqatnovlar boshlanadi. Parvozlar “Qanot Sharq” aviakompaniyasining Airbus A320 samolyotida amalga oshiriladi.
Iyul oyida tomonlar investitsiya jamgʻarmasining ishga tushirilishini kelishib olgandi. Shu bilan birga, o‘zaro viza olish tartibi soddalashtirilishi belgilandi.
