Xitoyning eng yirik elektron tijorat kompaniyasi “Alibaba” suratlarni taniy oladigan va kompaniyaning avvalgi mahsulotlariga qaraganda murakkabroq suhbatlarga kirisha oladigan yangi generativ sun’iy intellekt modelini taqdim etdi, deya xabar bermoqda “CNBC” kompaniyaga tayanib.
Qwen-VL va Qwen-VL-Chat kabi ikkita yangi sun’iy intellekt ilovalari modellari ochiq manba bo‘lib, boshqa dasturchilar ulardan o‘z tizimlarini o‘rgatmasdan, vaqt va pulni tejamasdan o‘zlarining generativ sun’iy intellekt ilovalarini yaratishda foydalanishlari mumkin.
“Alibaba” vakillarining so‘zlariga ko‘ra, Qwen-VL foydalanuvchilarning turli suratlar bilan bog‘liq ochiq savollariga javob bera oladi va rasm taglavhalarini yaratadi.
Ushbu model bir vaqtning o‘zida bir nechta tasvirlarni solishtirishi va bir nechta savollarga javob berishi mumkin.
Shuningdek, u hikoya yozish va fotosuratlar asosida tasvir yaratish, shuningdek, tenglamani yechish imkoniyatiga ega bo‘ladi.
Kompaniya Qwen-VL-Chat ma’lum bir shifoxona bo‘limi binoning qaysi qavatida joylashganligini aniqlash uchun belgidan foydalanishiga misol keltirdi.
Avvalroq “Spot” “Alibaba” ham sun’iy intellekt chat-botini yaratayotgani haqida xabar bergandi.
Kompaniya yangi chat-bot dasturini ichki sinovdan o‘tkazilayotgani ma’lum qilingandi.
“Alibaba” o‘zining sun’iy intellekt modellaridan hamma uchun foydalanish imkoniyatini ochadi, deya xabar bermoqda “CNBC” nashri.
Qayd etilishicha, chunki Xitoy elektron tijorat giganti o‘z mahsulotidan foydalanishni kengaytirish va texnologiyada yetakchi rol o‘ynashga intilmoqda.
Xabar qilinishicha, “Alibaba” 7 mlrd parametrga ega Qwen-7B modelini va suhbat ilovalari uchun mo‘ljallangan Qwen-7B-Chat versiyasini ochiq manbalardan foydalanadi.
Aprel oyida “Alibaba” ingliz va xitoy tillarida sun’iy intellekt kontentini yaratish imkonini beruvchi Tongyi Qianwen Large Language Model (LLM) ni ishga tushirdi.
Qwen-7B va Qwen-7B-Chat butun dunyo bo‘ylab tadqiqotchilar, olimlar va kompaniyalar uchun mavjud bo‘ladi.
Xabarlarga ko‘ra, oyiga 100 mlndan ortiq faol foydalanuvchisi bo‘lgan kompaniyalar buning uchun Alibaba’dan bepul litsenziyaga ega bo‘lishi kerak.
Garchi “Alibaba” o‘zining ochiq manbali texnologiyasidan foydalanganligi uchun litsenziya to‘lovlarini olmasa ham, uning tarqatilishi kompaniyaga o‘zining sun’iy intellekt modellari bilan ishlash uchun ko‘proq foydalanuvchilarni jalb qilish imkonini berishi kutilmoqda.
Avvalroq “Spot” “WhatsApp” sun’iy intellekt yordamida stikerlar yaratishni sinovdan o‘tkaza boshlagani haqida yozgandi.
Bunda foydalanuvchi kerakli tavsifni kiritishi kerak, WhatsApp unga stikerlar uchun bir nechta variantni taklif qiladi.
