“Yandex” matn orqali uchun tasvirlarni yaratuvchi o‘zining neyron tarmog‘i prototipini ko‘rsatgandi.
Kompaniya neyron tarmoq yordamida tasvirlar yaratish uchun “Shedevrum” ilovasining 0.1.4 beta-versiyasini chiqargandi.
Rasm va matnlarni yaratish uchun neyron tarmoqlardan foydalanadigan “Shedevrum” ilovasi foydalanuvchilarning iltimosiga binoan qisqa videolar yaratishni o‘rgandi. Bu haqda “vc.ru” nashri xabar berdi.
“Shedevrum” ilovasida video olish uchun foydalanuvchi nimani ko‘rishni xohlayotganini matnda tasvirlashi kerak.
Bunga javoban, dastur sizga harakatni yaratish uchun birinchi kadr va animatsiya effektlari uchun to‘rtta variantni tanlash imkoniyatini beradi.
Tanlangan rasm asos sifatida olinadi, keyin neyron tarmoq o‘zining o‘zgartirilgan versiyalari to‘plamini yaratadi va hamma narsani tanlangan effekt bilan birlashtiradi.
Neyron tarmoq alohida tasvirlarni hosil qiladi, keyinchalik ular soniyasiga 24 kadr tezlikda videoga birlashtiriladi. Yakuniy videoning davomiyligi to‘rt soniyani tashkil qiladi.
Nashr qilinganidan keyin video MP4 formatida saqlanishi mumkin.
“Funksiya hali sinovdan o‘tkazilmoqda, undan ilovaning yangilangan versiyasida faqat eng faol foydalanuvchilar foydalanishi mumkin”, deb yozilgan ilovada.
Ammo har bir kishi dastur tasmasidagi yaratilgan natijalar bilan tanishishi mumkin.
