“ALPHA Education"da biznesni boshqarish bo‘yicha xorijlik ekspert ma’ruzasi o‘tkaziladi. Bu haqda tadbir tashkilotchilari “Spot"ga ma’lum qildi.
Ma’ruza mavzusi — “Rahbar, boshqaruvchi va jamoaning hissiy barqarorligi”. Ma’ruzachi sifatida boshqaruv va xizmat ko‘rsatish bo‘yicha mutaxassis Janna Prashkevich taklif etilgan. U mijozlari “Kaspi Kazakhstan”, “Rixos Almaty” va boshqalarni o‘z ichiga olgan “The Guests” studiyasini boshqaradi.
Tadbir o‘z biznesini, o‘zini va jamoasini faol rivojlantirayotgan, biroq ayni paytda befarqlikni his qilayotgan va yangi yo‘nalishlar va pul rag‘batlaridan motivatsiyani yo‘qotgan tadbirkorlar va menejerlar uchun mo‘ljallangan.
Spiker quyidagilar haqida so‘z yuritadi:
- biznes sizning butun hayotingizmi yoki yashash uchun asosmi?;
- intuitiv yoki tarkibiy nazorat;
- ishchanlik. Qanday qilib jadvalsiz va kuniga 4 soat ishlash kerak;
- o‘zini hurmat qilish, o‘zini boricha qabul qilish, xususiyatlari va ehtiyojlar hissiy barqarorlikning asosi sifatida;
- biznes, hamkorlik va ish munosabatlaridagi shaxsiy chegaralar.
Tadbir joriy yilning 14-sentabr kuni, soat 10:00da boshlanadi. Unda ishtirok etish bepul, buning uchun @ALPHA_talks_bot Telegram-botida ro‘yxatdan o‘tish kerak.
