Davlat aktivlarini boshqarish agentligi “O‘zenergoinjiniring” kompaniyasi ulushini xususiylashtirish bo‘yicha professional konsalting kompaniyasini jalb qilishga tanlov e’lon qildi.
Unga ko‘ra, kompaniya aksiyalarining 87,7%ini sotuvga qo‘yish rejalashtirilgan. Maslahatchi elektr dizayn xizmatlari bozorini tahlil qilish va aktivni amalga oshirish rejasini tayyorlash uchun talab qilinadi.
Shuningdek, korxonaning holatini tahlil qilish va investitsiya jozibadorligini oshirish bo‘yicha takliflar tayyorlash kerak. Konsultant potensial xaridorlar uchun marketing strategiyasi va materiallarini yaratishi kutiladi.
Tanlovga alohida kompaniyalar va konsorsiumlar (asosiy hamkorni ko‘rsatgan holda) ariza berishlari mumkin. Shu kabi operatsiyalarni hamda MDH mamlakatlarida amalga oshirish tajribasi haqida ma’lumot berish tavsiya etiladi.
Tijorat takliflari tender@davaktiv.uz elektron pochta manzili orqali joriy yilning 30-sentabr kuni soat 18:00dan (Toshkent vaqti bilan) kechiktirmay qabul qilinadi.
Taklifni baholash shartlari va mezonlari bilan Davaktiv agentligi rasmiy saytida batafsil tanishish mumkin.
Kompaniya haqida
“O‘zenergoinjiniring” qishloq joylarda, shaharlar va tuman markazlari, jumladan, kichik va o‘rta biznes, suv xo‘jaligi obyektlari va kommunal xo‘jalik majmualaridagi iste’molchilarni elektr ta’minoti obyektlarini loyihalash va elektrlashtirish bo‘yicha ixtisoslashtirilgan korxona hisoblanadi.
Shuningdek, kompaniya sanoat energiya balanslarini prognozlash va optimallashtirish ustida ishlab, O‘zbekiston energiya taqsimlash tizimini uzoq muddatli rivojlantirish strategiyasini ishlab chiqishda ishtirok etmoqda.
“O‘zenergoinjiniring” tarixi 1956-yili “Giproselelektro” institutining O‘zbekiston filiali tashkil etilgani bilan boshlanadi. Kompaniya 2019-yili hozirgi ko‘rinishida qayta tashkil etilgan.
