“Telegram” jamoasi messenjerning yangi versiyasini taqdim etdi. iOS va Android uchun ilova 10.1 versiyasiga yangilandi.
Kanallar uchun “stories"lar
Endi “Telegram” foydalanuvchilari sevimli kanallariga hikoyalar joylash imkoniyatini ularga ovoz berish orqali hadya qilishi mumkin.
“Telegram Premium” obunasi istalgan kanalga berishi mumkin bo‘lgan bitta ovoz taqdim etadi.
Kanal ko‘p ovoz olgani sari darajasi oshib boradi — har bir daraja uchun kanal obunachilarining tasmalariga kuniga qo‘shimcha 1 ta hikoya joylay oladi.
Foydalanuvchilar har 24 soatda bir marta ovozlarini boshqa kanalga ko‘chirishi mumkin.
Kanallar obunachilardan (t.me/durov?boost) kabi maxsus havola yordamida ovoz berishni so‘rashi mumkin.
Kanalingiz hikoyalarni ochgach, Telegram Premium obunasi mavjud tegishli huquqlarga ega adminlar kanal nomidan joylash uchun kanal axboroti sahifasida maxsus belgini bosishi mumkin.
Adminlar chatlari ro‘yxatidan hikoyalar joylayotganida “Quyidagi nomidan hikoya joylash” variantini ham ko‘radi.
“Stories"larda reaksiya stikerlari
Foydalanuvchilar va kanallar hikoyalariga reaksiya stikerlarini qo‘shishi mumkin, bu uni ko‘rganlarga shunchaki bitta bosish orqali yanada ko‘proq emojilar bilan javob berish imkonini beradi.
Kanallar tomonidan joylangan hikoyalarda har bir emojini necha kishi tanlaganini ko‘rsatuvchi reaksiya hisoblagichlari aks etadi.
Reaksiya stikerini qo‘shish uchun stiker panelida bulutcha belgisini bosish, keyin oynadagi o‘nlab variantlardan biror emojini tanlash kerak.
Premium obunachilari istalgan maxsus emojisidan ham foydalanishi mumkin.
Har kim har bir hikoyaga 1 ta reaksiya emojisini qo‘shishi mumkin, Premium obunachilari esa 5 tagacha qo‘sha oladi.
Hikoyalarda musiqa qo‘shish
Qurilmadagi audio fayllardan hikoyalarda foydalanish mumkin, bu maxsus soundtreklar yoki ovozli sharh bilan kontent yaratish imkonini beradi.
Stikerlar panelidan “Audio” bandini bosish va fayl tanlash, keyin biror qismni tanlash uchun trekni sozlash kerak.
Video hikoyalarda asl tovushni qoldirish, shuningdek, kiritgan audioni istalgan nuqtaga harakatlantirish, masalan, o‘rtasiga tovush effekti qo‘shish yoki oxiriga musiqa qo‘shish mumkin.
Bir martalik media
Telegram 2013-yilda o‘chib ketuvchi media funksiyasini qo‘shgan edi. Endi undan foydalanish yanada osonlashdi, yangi ko‘rinish va bir martalik sozlamasiga ega bo‘ldi.
Yakkama-yakka chatdagi media muharrirda tegishli belgisini bosish sizga rasm yoki videongiz ochilganidan keyin qancha muddat — bir martalikdan 30 soniyagacha ko‘rinib turishini tanlash imkonini beradi.
Bir martalik media qabul qiluvchi uni ochganida chatdan butunlay o‘chirib tashlanadi.
Barcha o‘chib ketuvchi medialar kabi saqlash va skrinshotlar olish bir martalik media uchun ishlamaydi.
Yangi hisobga kirish ogohlantirishlari
Kimdir hisobingizga kirganida Telegram barcha qurilmalarga bildirishnoma yuboradi.
Buni yanada ko‘rinadigan qilish uchun yangi kirishlar endi chatlar ro‘yxati yuqori qismida ushbu ogohlantirishni chiqaradi.
Agar yangi qurilmada hisobga kirmagan bo‘lsa, hisobni darhol himoyalash uchun Yo‘q, bu men emasman!" tugmasini bosish kerak.
Qo‘shimcha himoya uchun Sozlamalar > Maxfiylik va xavfsizlik > Ikki bosqichli tekshiruv ruknida Ikki bosqichli tekshiruv parolini kiritish mumkin.
Va boshqalar
Dasturchilar o‘nlab xatolik tuzatmalari va optimallanishlarni qo‘shdi. iOS foydalanuvchilari videolar yuborish yaxshilanganini sezadi — endi u tezroq va natija paneli yanada aniqroq.
Android foydalanuvchilari spoyler animatsiyalarini, jumladan, bir martalik va berkitilgan media ko‘rayotganda unumdorlik yaxshilanganini sezadi.
