“Spot” Rossiya Markaziy banki 16-oktabrdan 1000 va 5000 rubllik yangilangan banknotlarni muomalaga chiqarishi haqida xabar bergandi.
Regulyator yangilangan banknotlarning taqdimotini o‘tkazdi va ularni muomalaga kiritdi.
Banknotalar rang palitrasini saqlab qoladi (hozirda 1000 rubl uchun yashil-ko‘k va 5000 uchun g‘isht rangi).
1000 rubllik banknot Nijniy Novgorod va Volga federal okrugiga bag‘ishlangan. Old tomonda Nijniy Novgorod Kremlining Nikolskaya minorasi va Nijniy Novgorod stadioni joylashgan. Orqa tomonida Volga daryosi, Jiguli tog‘lari, Tatar xalqi va Tatariston davlatchiligi tarixi muzeyi, Qozondagi Syuyumbike minorasi, Ufadagi arxeologiya va etnografiya muzeyi joylashgan.
5000 rubllik banknot Yekaterinburg va Ural federal okrugiga bag‘ishlangan. Old tomonda Sevastyanov uyi va “Yevropa-Osiyo” stelasi, orqa tomonida esa Chelyabinskdagi “Ural haqidagi ertak” yodgorligi va Salekharddagi “66-parallel” stelasi joylashgan.
Rossiya Markaziy banki 2021-yil mart oyida dizaynni o‘zgartirish rejalarini e’lon qildi. 2023-yil sentabr oyida Rossiya banki raisi o‘rinbosari Sergey Belov yangilangan banknotalar allaqachon chop etilganini aytdi, chunki taqdimotdan so‘ng ular sinov uchun banklarga topshiriladi.
Regulyator yangi banknotlar bosqichma-bosqich muomalaga kiritilishini, eski banknotalar eskirgan sari muomaladan tabiiy ravishda chiqib ketishini ma’lum qildi.
O‘zbekiston Markaziy banki 2022-yilning 15-iyulidan boshlab yangi ko‘rinishdagi 200 000 so‘mlik banknot chiqarilishi haqida maʼlum qilgandi.
