Rasmiy daromadga ega bo‘lmagan shaxslarga ipoteka kreditlari

E’tibor qarating: ma’lumotlar faqat nashr etilgan vaqtdagina aktual hisoblanadi va ma’lumot olish uchun taqdim etilgan. Kredit shartlari o‘zgarishi mumkin. Aniq ma’lumotga ega bo‘lish uchun “Spot” to‘g‘ridan-to‘g‘ri bank bilan bog‘lanishni tavsiya qiladi.

Mavzuga doir: 2023-yil noyabr oyi bo‘yicha banklardagi ipoteka kreditlari.

1-maydan boshlab rasmiy daromadga ega bo‘lmagan fuqarolar ayrim banklarga ipoteka krediti olish uchun murojaat qilishlari mumkin.

Bunda asosiy shartlardan biri fuqaro o‘zini o‘zi band qilgan holda ro‘yxatdan o‘tgan bo‘lishi kerak.

Talabgorlarning to‘lov qobiliyatini aniqlashda bank kartasidagi aylanma, ijara, kommunal va boshqa xarajatlarga to‘langan pullari ham hisobga olinadi.

Boshlang‘ich to‘lovni ko‘proq to‘lagan fuqarolar bankdan arzonroq kredit olish imkoniyatiga ega bo‘ladi.

Banklar taqdim qiladigan ipoteka krediti miqdori quyidagi hududlarga qarab o‘zgaradi:

• Qoraqalpog‘iston Respublikasi va viloyatlar uchun — 327 250 000 so‘m;
• Toshkent shahri uchun — 416 500 000 so‘m.

“Tengebank” filiallari mavjud hududlarda 620 mln so‘mgacha ikkilamchi bozordan ko‘p qavatli xonadon xarid qilish uchun ipoteka krediti beradi.

Eng past foiz stavkasi boshlang‘ich to‘lov 50%ni tashkil qilganda “Turonbank” tomonidan 16%da beriladi.

Kerakli hujjatlar:

• shaxsni tasdiqlovchi hujjat (pasport yoki ID karta);
• o‘z-o‘zini band qilganlik to‘g‘risida ma’lumotnoma;
• dastlabki oldi-sotdi shartnomasi;
• kadastr hujjati.

Ro‘yxat alifbo tartibida tuzilgan va banklarni tartiblamaydi. Ma’lumotlar banklarning rasmiy saytlari va call-markazlaridan olindi.