Qozog‘istonning “Beta Izol” kompaniyasi O‘zbekistonga innovatsion elektr kabellarini yetkazib berishni boshladi. Bu haqda qo‘shni mamlakat Fan va oliy ta’lim vazirligi xabar berdi.
Kabel muqobil energiya sohasida, xususan, quyosh foto panellari bilan foydalanish uchun mo‘ljallangan. U yuklarga va yuqori haroratga nisbatan yuqori qarshilik bilan ajralib turadi hamda analoglariga nisbatan kamroq massaga ega.
Mazkur xususiyatlarni ta’minlash uchun kabelda ishlatiladigan izolyatsion material Elv-4 elektron (beta zarrachalar) tezlatgichida radiatsiya bilan bog‘lanadi. Qayta ishlash oksidlanishni oldini olish uchun inert gazlar atmosferasida amalga oshiriladi.
Texnopark tomonidan “Kazelektromash” kompaniyasi bilan birgalikda ishlab chiqishni tijoratlashtirish uchun tashkil etilgan “Beta Izol” yiliga 15 ming km.gacha yangi kabel ishlab chiqarishi mumkin.
Kabelning yangi turini sotib olishga qiziqish birinchi navbatda qo‘shni davlatlardan keladi, deyiladi hisobotda. O‘zbekiston kompaniyasi quyosh fotoelektr stansiyasini qurish bo‘yicha uni yetkazib berish bo‘yicha birinchi shartnomani imzoladi.
Avvalroq Qozog‘iston O‘zbekiston bilan chegaradagi yuk tashish hajmini oshirishi haqida xabar berilgandi. 20-noyabrdan “Sariag‘ash” chegara punkti orqali kuniga 30tagacha poyezd o‘tkaziladi.
