O‘zbekiston Yevropa Ittifoqiga sanksiyalarni chetlab o‘tish darajasini baholash uchun statistik ma’lumotlarni taqdim etishga va’da berdi. Bu haqda YeIning sanksiyalar bo‘yicha maxsus vakili Devid O’Sallivan “Gazeta.uz"ga bergan intervyusida ma’lum qildi.
Uning so‘zlariga ko‘ra, YeI O‘zbekiston suverenitetini hurmat qiladi va Rossiyaga qarshi sanksiyalarga qo‘shilmaydi. Biroq, mamlakatdan sanksiyalarni chetlab o‘tish uchun platforma sifatida foydalanish mumkin, dedi u.
“Biz O‘zbekiston suverenitetini, mamlakat ushbu mojaro [Ukraina va Rossiya o‘rtasidagi]ning ishtirokchisi bo‘lishni, qaysidir tarafda bo‘lishni yoki xalqaro koalitsiya tomonidan qabul qilingan sanksiyalarni qo‘llashni istamasligini to‘liq tushunamiz va hurmat qilamiz. Ammo bizda O‘zbekistondan sanksiyalarimizni chetlab o‘tish yoki uzoqlashish uchun platforma sifatida foydalanilishi mumkinligidan xavotirdamiz. O‘zbekiston rasmiylari buni istamasligini ochiq aytdi”, — dedi O’Sallivan.
Noyabr oyidagi tashrif doirasida Yevropa Ittifoqining maxsus vakili Markaziy bank, Bojxona qo‘mitasi, Iqtisodiyot va moliya vazirligi hamda Investitsiyalar, sanoat va savdo vazirligi vakillari bilan uchrashib, sanksiyalar bilan bog‘liq muammolarni muhokama qildi.
Rossiyaga Yevropa eksportining aksariyat qismi sanksiyalarga duchor bo‘lganligi sababli, boshqa mamlakatlar, masalan, BAA bilan savdoda siljish kuzatildi.
“Shu tariqa, biz ilgari Rossiyaga borgan, hozir esa Qozog‘iston, O‘zbekiston, Armaniston, Serbiya, Turkiya va BAAga yo‘l topayotgan savdo aylanmasi tendensiyasini ko‘ryapmiz. Va, albatta, bu mamlakatlarning ayrim tovarlari Rossiyaga tushishidan xavotirdamiz”, — dedi u.
Devid O’Sallivanning ma’lum qilishicha, YeI 45ta harbiy tovarlar ro‘yxatini aniqlagan bo‘lib, ularning Rossiyaga uchinchi davlatlardan, jumladan O‘zbekistondan, Bryusseldan reeksport qilinishining oldini olishga harakat qilmoqda.
Bundan tashqari, O‘zbekiston Yevropa Ittifoqini sanksiyalarni, xususan, Rossiya harbiy-sanoat kompleksi uchun harbiy maqsadlarda foydalaniladigan tovarlarni chetlab o‘tish uchun platforma sifatida foydalanishni istamasligiga ishontirdi.
“Biz ushbu tovarlarning reeksporti pasayganligi haqidagi dastlabki ijobiy reaksiyalarni ko‘rdik. Lekin shuni aytishim kerakki, hozircha statistik ma’lumotlar yetarli emas. Va bugungi muhokamalar doirasida O‘zbekiston tomoni bu ma’lumotlarni yaqin kunlarda taqdim etish majburiyatini oldi”, — deya qo‘shimcha qildi maxsus vakil.
Shuningdek, Yevropa rasmiysi YeI O‘zbekiston va Rossiya o‘rtasidagi an’anaviy savdoga zarar yetkazishga harakat qilmasligini ta’kidlab, sanksiyalarni chetlab o‘tishda savdoning mumkin bo‘lgan yangi shakllaridan xavotir bildirdi.
Avvalroq O‘zbekiston kompaniyalari Yevropa Ittifoqi sanksiyalarining 12-paketiga kiritilishi mumkinligi haqida xabar berilgandi.
